منتديات نبع الفرات

تمت ارشفة منتديات نبع الفرات

المشاركات من الموضوع چنهه زینب های

  1. بواسطة بهلول الرشيد

    چنهه زینب های بت حامی الدخیل
    بس عجیبه انشوفها ابلایه اهل
    کون اخت عباس ترکب عل هزیل
    یعنی یا ستار عباس انچتل
    هیه زینب های عل ناگه او تمیل
    او من تمیل الریح یسندهه ابخجل
    بیهه هیبه حیدر او زعل الچفیل
    او بیهه صبر احسین لاح او یلزعل
    ولعجیبه اشلون یحدیهه الغریب
    وانا اعرف زین بطباع الکفل
    او چنه راس احسین ذاک اعلی الرمح
    اوهذه یا سیف الذبح خیر العمل
    وین سبع الگنطره او سبع الطفوف
    اشصبر الراس اعله رمحه و مانزل
    ابعینه من شاف الشمر صوطه یلوح
    ابمتن زینب چیف عباس احتمل
    یعنی های ام الخدر زینب اگول
    یعنی اءیس لا خدرهه او لا اهل
    یعنی لا چفالهه ایلوح الچفوف
    او لا ابو الحملات من صاحت حمل
    یعنی ضلت بین چتال الحسین
    او بین سلاب الربه ابحضن الفشل
    بس عله اعناد الوکت وشما یدور
    ماتهبط راس اربات الفحل
    هیه زینب ما یغیرهه المصاب
    انچان عل ناگه واذا فوگ الجبل
  2. بواسطة قاسم الكربلائي

    بارك الله بيك ابو زهراء
    الله يحفظ الشاعر عبد الخالق المحنا
  3. بواسطة بهلول الرشيد

    بوركت للمرور اخ قاسم
  4. بواسطة امل

    شكرا اخي ع الاختيار