منتديات نبع الفرات

تمت ارشفة منتديات نبع الفرات

المشاركات من الموضوع (( كلب زاغور ))

  1. بواسطة مرتجى العامري

    للشـــاعر الرائع عباس الغراوي /// العمارة
    (( كلب زاغور ))
    احس بيبان صدري اتقفلت فد نوب
    بين صياح ريتي
    وسكتة الخفكة ...
    بين موادعك والليل
    اشم رماد ! اظن حسبات محتركة ..
    ياحيرة وداع شراع وسط الروج نسمة ريح مايلكة ...
    احس خلكي صريفة وضكني باب غروب
    يلجيتك تفك بالروح الف رازونة مختنكة ..
    مرني وشوف !
    تلكة شجم مرز بالروح يتنطر نهر ملكة !!
    مرني وشوف !
    تلكاني نحر ممدود مو تدري السنابل توكف مدنكة ؟
    محتاجك ضوة من تغيب
    مايروي اليصد للبير لوحل واهس الظلمة ..
    يلبعدك عشت مطلوب
    ليلية بكتل نجمة ..
    دخل تيبس كبل لتموت بالحسرة ؟
    يحال الكصبة بين النار
    لمن تحترك خضرة ..
    رمدة العين
    تتوجة على حايط شوف !!!
    بعد خطوات ويسد الجفن صبرة ..
    من يذبل ضوة الناطور
    ويتاني الصبح مطرة ..
    من يعطش كلب زاغور
    وتدوس الفلح صدرة ..
    يارخص الدمع لو طاح يتوسد حضن نحرة ..
    وياذلة البلم لوجان
    جف كياش اليعبرة ..
    الي بفركاك حسبة شوك
    مااكلك ورك سدرة !!
    يشراع الربيع ارجوك لاترسي بجرف صحرة ..
    مشتاك بكثر ملكاك
    يمراد بعلك مشدود ميردك جدم شباج
    لو تمشي بدرب حضرة ..
    اريد احساس يجبر خاطر الصخرة ؟
    اريد الظم بكايا سنين البعيني ولو بالطيف
    يحلم وداع بين رموش ظل يفتر ..
    يلتارك فراغ بعمري مد الشوف لا اكثر ..
    اعاين والدرب مكطوع بين الصوب والمعبر ..
    ظل بس الجرف والروج
    بالك لا ترد لوجيت ؟؟
    بديرة ماي جدم الريح يتعثر !!!!!!
  2. بواسطة Ali Al-misana

    جميل جداا
    شكرا لك مرتجى
  3. بواسطة مرتجى العامري

    مرورك الاجمل
  4. بواسطة حكايا الورد

    [صورة]
  5. بواسطة مرتجى العامري

    مرورج الاروع