منتديات نبع الفرات

تمت ارشفة منتديات نبع الفرات

المشاركات من الموضوع مالوم الوكت لو فارك العشاك

  1. بواسطة بهلول الرشيد

    مالوم الوكت لو فارك العشاك
    الفاس بلاذنب من يكطع الشجره

    اجه دور الاهل لبسو وجه حطاب
    ومطالبهم الفاس وكطعو العشره

    اليكطعله عشرة بجفه كون كتاب
    الله منزله اكولن واخذ بأمره

    اذا هيج الله رايد ماخلقنه ثنين
    مانابتله زرعه وماتذب ثمره

    ويمر بينه الهوه والونه شوغت ناي
    يمته نجر نفس كاظيهه بس حسره

    للعنده ملابس جنه عنده العيد
    وهلال العيد خنجر شافته الفقره

    مو شرط القصر يحفظ اسرار الناس
    البير بلا سكف محد عرف سره

    حب طيور حبنه شعدنه ويالقصور
    عش بحظن شجره بعينه شكبره

    بيوت كبور عدنه الخنكه مو مقياس
    الميت والعدل تطلع عليه كمره

    بس عند اليحب الكمره يعني ايمام


    يأمن من يزوره ويشتم بعطره

    تلكه شجم علك بالكمره مشدودات
    وسوالف دافيه مطشريهه بالحظره

    ذمه ركبت اهلك كل شبابي الضاع
    وتقاليد اهلي خلو بالكلب جمره

    الجمره متاع جاهل لو يمر عاشور
    شيطفيهه جاهل يعشك الجمره

    الماضايك عشك حقه يتمسهد بي
    مايدري بجهنم ساكنه بصدره

    ويبين الخسر بالعشك جن تمثال
    اذا يحجي سوالف ضيمه لتفطره

    اللهي نريد شارة تحصن العشاك
    تره اليجرحله عاشك شارته تعثره

    اللهي رد علي وضرب مثل للناس
    حب حيدر مثل للطاهره الزهره

    اللهي رد محمد ايه منه نريد
    اليمنع محب من عنده تتبره