منتديات نبع الفرات

تمت ارشفة منتديات نبع الفرات

المشاركات من الموضوع ابوذيات قديمة ونادرة

  1. بواسطة المراسل

    وسفه الدهر شتتكم وطركم
    حسافه ماكضه منهم وطركم
    بذجركم هذا انه اهذي وكركم
    يعيد الله شتتكم جمع ليه
    [صورة] [صورة]

    زماني جرد اسيوفه وسنهه
    عليه اوحرمت عيني وسنهه
    وحق اللي فرض خمسه وسنهه
    بعد هيهات عيش ايصير اليه
    [صورة]

    حبيبي دك بذرعانه ولجتاف
    بضلعي جاسي اللبي ولجتاف
    رضينه بحبس دندوشه ولجتاف
    وهي سجاني وتفتر عليه
    [صورة] [صورة]

    مر ولفي ايهبتني ومره هبته
    ومره اوصلت يمه مره هبته
    طحت مقدر يصاحب مره هبته
    اسد يخسه الاسد ملقاه اليه
    [صورة]

    ابنار الهجر يامهجه دموعاي
    على مصابي السمه يمطر دموعاي
    اشما هلن يدندوشه دموعاي
    حسناتج تبدل بالف سيه
    [صورة] [صورة]

    سريتوا بالضعن ياترف هاوين
    جفيتوني ولعند الغير هاوين
    هاميت يحلو الطول هاوين
    حياتي والنظر اقبالك عليه
    [صورة]

    وحم الالف واللامين والها
    روحي بهوى ساهي العين ولها
    لها ثغر وجبين وعين والها
    خذ شبه البدر لو سطع ضيه
    [صورة] [صورة]

    من مثلي دمع عيني يهلهه
    سبب غالب على روحي يهلهه
    وعلي تحيولكم ميت يهلهه
    من تبدي ترد الروح اليه
    [صورة]

    حزني عليك مايبطل وناحي
    اسب اللامني بودك ونا حاي
    تبات الناس مستوره ونا حاي
    ليلي والنجم يشهد عليه
    [صورة] [صورة]

    وحك آية عصا موسى وسينا
    الك حثت رجايبنه وسينا
    الك حسن النبي يوسف وسينا
    الي والنور الك والنار اليه
    [صورة]

    يحادي روعت قلبي بلحداي
    يخايب لفني وياهم بلحداي
    اون طول الدهر حتى بلحدي
    على الساروا وخلوني شجيه
    [صورة] [صورة]

    كل مغرم برت علته وناله
    سعيد اللي حضه بشخصك وناله
    الطارش من سمع نوحي وناله
    ترك شغله وبجه رحمه عليه