منتديات نبع الفرات

تمت ارشفة منتديات نبع الفرات

المشاركات من الموضوع ابوذيات جميلة جدا لاتفوتكم ..!

  1. بواسطة المراسل

    سماك
    حلو إسمك وأبوك شلون سماك
    حبيبيك لو زعل وياك سماك
    صرت سمچه وانت الصرت سماك
    لو طحت بحنانك إعطف عليه

    احبك من جنت جاهل واناحباي
    مابطل وني عليك ونحباي
    لون ينكضي نحبك ونحباي
    يتلاكه هوانا جوه الوطيه

    جنت انت المرض وانت دوالي
    وصارت بالجدم منك دوالي
    اهديتك گلبي وتگلي دولي
    وصرت دم ودمع تذرف عليه

    جمر دمعي عله خدودي ترى سال
    كطعََّتّّّّ اخبارك حبيب تراسل
    انه انسليت من هجرك ترى سل
    وتون الروح وتريد المنيه

    يمرمرني ويصيحن بيه همال
    وترك دمعي عله الوجنات همال
    تعدل حالي وبفركاه هم مال
    تركني وراح ريته يعود اليه

    وحگ عيسى وحگ مريم والاحد
    بعدهم ما تهل عيني عله احد
    حفر گبري من اخذ روحي ولحد
    وقروا الانجيل من صلوا عليه