منتديات نبع الفرات

تمت ارشفة منتديات نبع الفرات

المشاركات من الموضوع ابوذيات 2012

  1. بواسطة المراسل

    رهن شورك يشاعرنا واعينك
    ولا ترمش احاسيسك وعينك
    رمز للخوّه انت اتظل وعَينك
    امير الطيب والود والحمية
    [صورة]

    الك خبره بعذابي انت والك فن
    كتلتني وحظّي بفراگك ولك فان
    اشگ اللحد لو تگرب والاكفان
    وتعود الروح يالغالي اليه
    [صورة]
    ترف بوّل هواكم عال علتني
    اوسط درب المحبه عل علتني
    بنهاية درب حبك عل عَلَتني
    جفوف الموت,, ماتدناهه اديه
    [صورة]

    لان ماريــــــــد اشوفك يوم حزني
    وتدري ابسيف هجرك ولك حزني
    كلبك انت وحـــــــدك الي حزني
    و (حيازه وحمل) سلمتك بديه
    [صورة]
    لو راسا تكلي ارجــوك هدنه
    وتعاركني وتــريد انوب هدنه
    ولك والله العشك وياك هدنه
    مريض انه تعال اسال عليه
    [صورة]

    لــــــــو تذكر رباي وياك والعن
    ولا تنغر على اللي بيك والعن
    فرضنا لــــو اسبك حيل والعن
    مريض انه تعال اسال عليه

    [صورة][صورة][صورة][صورة][صورة][صورة][صورة][صورة][صورة][صورة]

    وشوف اشلون حالي منتسلني
    ولكن سيف صــــدك منتسلني
    الدمع يغلــب جوابي منتسلتي
    اضحك بالجذب غصبن عليه


    [صورة]

    أنـا بحبـك أبـد مـايـوم غشيـت
    وعـن كـل البنـات النظـر غشيـت
    گعـدت يمـه وعليـه بسكـوت غشيـت
    وگـف صـاح المـدرس غـش عليـه
    [صورة]

    اكت دمعي التريدة هسه اكت لك
    وتريد لساني يسكت؟ هالستكلك
    اذا متكول احبك؟ هسه اكتلك
    واكوم انوب اكتل روحي بدية
    [صورة]

    ليش الناس بيه اللوم يلتام
    يالوجهك مثل ضوه البدر يلتم
    جرح السيف لابد يوم يلتم
    ويظل جرح اللسان يفور بيه
    [صورة]

    بعدكم كمت اسوي النوح وجبات
    ولاخلي دليلي يهيم ويبات
    الحزن وياي طول الليل ويبات
    بفراشي ويسولفلي عليه
    [صورة]

    احبابي اعيوني راحت من اجلكم
    وجل الدنيا كله من اجلكم
    ياهي الي حرفكم منهو جلكم
    وكطع حبل الوصل منكم عليه
    [صورة]

    حلو عيون وعيونه سماوي
    بي مفتون والهيئه سماوي
    جمال البيه يهل الوادم سماوي
    ليل الناس وبنصه الكمر هيه
    [صورة]

    اذا رايح حبيبي الف بايات
    وطش ماي وانشر الك بايات
    ومركضه الصعود ايصير بايات
    اخاف اطيح وما منك رجيه
    [صورة]

    من شطه مامش صيد بس ماي
    واشتم اللي نهاني الصيد بسماي
    واريد اللي خله العرش بسماي
    اصيده بيوم وتجيني المنيه
    [صورة]

    دومي فانوس لدروبك وشعلة
    وليمسك ابية احركنة وشعلة
    اخبرك الاسود صار شعلة
    منشوفة تغور الكاع بية
    [صورة]

    عيونك تصيب الگلب بسهام
    يلي ابد ماشفت بهواك بسهام
    انا طير المهاجر بالفضاء بسهام
    اشوفك وانا تايه بالبريه
    [صورة]

    على ضيم الهوى ياروح علمي
    وبيها ارفعت اني اليوم علمي
    اسالتها المستوى وتكول علمي
    بخامس باء يالتسال عليه
    [صورة]

    يعاذل نار شوكَي هل تمسني
    إهديني الشوف حبي والتمسني
    بجه من مد يمينه والتمسني
    لكَاني نفس ما مش جسد بيه
    [صورة]

    أهل هل وكت بالك تمن بيهم
    إدنان وعيب يحصل تمن بيهم
    ثلاث من الخصايل تمن بيهم
    الجذب والفتن والشوفة الردية
    [صورة]

    وحك التين والزيتون والمن
    اجروحي الطابن امن اسنين ولمن
    السدر والجفن والكافور والمن
    كَبل طرت الفجر يسرون بيه
    [صورة]

    ردت خده ابوسه جفل ماراد
    الغده حبه لعند احشاي مارد
    لون مصباح وانه البيه مارد
    اصير بحدمته بس يرحم اشويه
    [صورة]

    شجيت انه وجريت الدمع منهال
    وحنيت الضلع يوم الصاح منهال
    صحت ويلاه يا ويلادي منهال
    عليكم صحت وين الي يجاوب عليه
    [صورة]
    ديخويه الضمه نار احرگت يوفـي
    عرفنه اللى يواعـد وعد يوفـي
    حاشاه العـزيز ايخون يوفـي
    ابن امي نفس نهض ا ليـه

    [صورة]

    شكول للحر ما واحد نجلهـا
    وچم حره انچتل باالعراق نجلها
    المدينه ما نحب نوصل نجلها
    نريد انخيم بـوادي الـمنيه

    [صورة]

    كثيره اجروح يبن امي ترابيك
    عفت الدار وعيوني ترابيـك
    چانت تسهر ليالي وترابيك
    متكلي اشوكت اتعود اليه
    [صورة]

    انگطع حبل الوصل بيني وبينه
    وذخرته والـعمد هّو وابينـه
    إلمن اشتكـي هـمي وابينه
    واخبره اشوكت ايعوّد عليـه
    [صورة]

    جروحك بيش اداويهن والفهن
    مو جرحين حتى اگعد والفهن
    حايرانه بعدهن ولفهن
    وراحن اجروحي كلهن عليه
    [صورة]

    توجّل گـلب الحنينـه علمها
    يولي وحست بـوحشه علمها
    ساعه من وگع الحبيب علمـها
    لطمت عـالوجه منين يرجع اليه
    [صورة]

    قطار العـز تعدانـه ومـرنـه
    وعلينه مـا نشد واحد ومرنـه
    عگب عينك يا صاح وامرنـه
    بـهاى انفوضه لـرب البريـه
    [صورة]

    علينه اطلع يبو صالح ولمنـه
    تراها الناس ماداوت والمنـه
    انت الامـل يلغايب والمنه
    وبلسم انت لجروحي الخفيه
    [صورة]

    تركني الدهر بـالغربه بلاسم
    وضعف حيلي ومرد چبدي بلاسم
    واكيد الفرج لجروحي بـلاسم
    يبلسمها ويـرد روحـي الـيه
    [صورة]

    تمر انخاك يا عراقي عليهـم
    واخبرك كلب كل منهم عليهم
    وطنه الكل جفت عنه وعليهم
    گلبي وگـربت منـه المنيـه
    [صورة]

    الك بگلوبنه من الشعر نـادي
    رطب ذكرك بگلب المحب نادي
    يا عراق بيوم الحشر نـادي
    محبينك يـجوك اعلى النديـه
    [صورة]

    ربينه اعلى حبك احنه علينـه
    نصيح بشده لـوطحنه علينه
    يا عراق جـارت الدنيـا علينه
    ورمتنه بـدار غربه واجـنبيه
    [صورة]

    انامر بالصبر روحي ونهواى
    وكثير اتعد مصايبها ونهواى
    الوادم بالهوه اتساهر ونهواى
    يعتني بيك صبح ومسـيه

    منقووول