منتديات نبع الفرات

تمت ارشفة منتديات نبع الفرات

المشاركات من الموضوع ابوذيات

  1. بواسطة المراسل

    وهم مليان ماينكض سراباي
    وبية الكبل ماشفتة سراباي
    بحضن تابوت والشامت سراباي
    ولحد حفر الكبر يضحك علية



    لا ام بغيابك لا ابالي
    ولاغيرك بكلبي لاابالي
    منو كلك علية لاابالي
    ابالي وغصبن اعليك وعلية


    اكضي الليل شي بدمع شيباه
    خويت وكمت احس العقل شيباه
    راسي احصد كمت بالليل شيباه
    ويرد امن الصبح ينزرع بية


    ماضن قصرت وياك وديت
    الواجب واعلى نيتي الك وديت
    البيتك راية العباس وديت
    شوديلك بعد واترد الية


    شلي بصاحب علية دمع ماسال
    اخذ مني اليريدة وبعد ماسال
    زمطلي وحين طحت بضيج ماسل
    سيفة وبالجذب ماهد الية


    زماني كشر انيابه وجلباي
    وعلى روحي الحزن عشعش وجلباي
    هواي اصحاب خانوني وجلبي
    وفالي وماكطع بالضيج بية