منتديات نبع الفرات

تمت ارشفة منتديات نبع الفرات

المشاركات من الموضوع واقع حال ... بعيداً عن الواقع ؟؟

  1. بواسطة المراسل

    (( واقع حال ))

    ارحموا عزيز قوم ذل وغني افتقر وعالم ضاع بين الجهال

    انه بروحي جـــــــرح شايل معانتات .
    . طفل كتلوا ابــوه بليلة العيد
    لذلك كمت اشــــــوف اليزحف يطير .
    . ونعيق غراب صار بأذني تغريد
    عليت ويــــــــه النجم بجناح شمات .
    . وشفت خواني تركض عالمصاييد
    سكرة بكاس حنضل مـــــــزتة العوز.
    . وعكب ظالم صفيت ويه المكاريد
    قريت الحال مــــــــيت صفك الموت .
    .وصـرخ الله تكدر تكدر تعـيد
    نفس فنجان وكتي شـــر دعد لاه
    حسبت افــراح اعدله شر دعد لاه
    شأعد للكلي عيدة شــر دعد لاه
    عشت موقف حســين ويه آل اميه
    اروحـــــــن للورد الكاه صفصاف .
    . اللقح بالنخل ينطـــيني سلايه
    وانـــــــت تكلي يضحك وجهك اليوم .
    . بـس افتح قميصي تشوف ملايه
    صعبه الضيف يـــــــرجع لاحظ الصار .
    . الغوالي دموعي والخدين هولاكوا
    حاتم عنده يـــــــــذبح يملك حصان .
    . انه الماكو عـندي شأذبح؟ الماكوا
    ترى هل كان لي زمناً تُرى دار
    عليل وسم علي وكتي ترى دار
    الفقر لم يبني بي كوخاً ترى دار
    بناله بوسط روحـي وعاش بيه


    عمار ثامر الجبوري
    28\7\2009
    بغداد
  2. بواسطة جبروت امرأة

    عاشت الايادي