منتديات نبع الفرات

تمت ارشفة منتديات نبع الفرات

المشاركات من الموضوع كاصد سامره

  1. بواسطة شـ,ـهـ,ـد

    ايامي واحلامي ارسمهه
    جنة معبودي انه اشتمهه
    يالكاصد سامره الروح وكلبي وياكم
    ..........................
    يلزاير خذ كلبي وروحي يم شباجه
    شدهه بعلك على الشباج وعندي الحاجه
    يامن شفت الكون ابابه الكل يحتاجه
    علة كلبي وبس شباجك هوه علاجه

    ودموع سنيني الاحملهه
    يم شباجك ريت اقبلهه
    يالكاصد سامره الروح وكلبي وياكم
    ..........................
    يلزاير كل ليله اتسافر دمعة عيني
    توصل يم محبوبي وتطرح شوك سنيني
    لو همت بطيفك جن نورك اليحاجيني
    من باب الزهره انه الادخلك توصيني

    وام الحسن الجود البيهه
    معروفه وجفهه التدريهه
    يل الكاصد سامره الروح وكلبي وياكم
    ..........................
    يلزاير لو لاحت كبه ايديك ارفعهه
    رب الكون بجاه التطلب ميرجعهه
    هل دمعه بشباج التعشك لا تمنعهه
    صلي بعالي الصوت اتيقن هم يسمعهه

    طوف وخلي الدمع يزوره
    وتزود هالليله بنوره
    يل كاصد سامره الروح وكلبي وياكم
    ..........................
    يلزاير هاك اخذ سنيني وكل ايامي
    واخذ الروح التعشك محبوبي واحلامي
    من شوكي كل لحظه تصورتك كدامي
    سافرت بحبك وجناح الشوك هيامي

    مارايد منك بس نظره
    ودلالي الي يحبك جمره
    يل كاصد سامره الروح وكلبي وياكم
    ..........................
    الشاعره شــــــــــــــهد المعموري
  2. بواسطة عطر الامير

    جميل ورائع
  3. بواسطة المرهفة

    شكرا لجهودكي غلاي
  4. بواسطة شـ,ـهـ,ـد

    شكرا لتواجدكم احبتي الغالين
  5. بواسطة ام بنين

    يل كاصد سامره الروح وكلبي وياكم

    سلمت الانامل
  6. بواسطة شـ,ـهـ,ـد

    سلمت روحك عزيزتي