منتديات نبع الفرات

تمت ارشفة منتديات نبع الفرات

المشاركات من الموضوع بطلت العشك

  1. بواسطة المراسل

    بطلت العشك ونسيت الأشعار وطلكت الشعر من غير رجعة
    شعندي وية الشعر من بعد الأحباب والمن القي شعري ومن يسمعه
    اريد انهي البديته اليوم وارتاح واريد بهالقصيدة اليوم اودعه
    تسعى الناس تسمع مني اشعار وآني وشعري كله لقلبك اسعى
    وسبعة من الإسبوع تصير الأيام بس وياك احس اليوم سبعة
    طبعة وبالكلب خليت واختام ومن طبع الكلب ما ينسى طبعه
    ربع من الكلب للناس محجوز وإلك كل الكلب ناسة وية ربعه
    عفت شغلي وبقيت وياك محتار ولكيت بمحبتك اني خوش صنعه
    لجل عينك جرعت هواي عذال وسكرت بعشكك اني بغير جرعه
    ومضة من المضى لو يرجع الفات وشيرجع المضى؟ ولو بيدي ارجعه
    شمعة الناس تشعل من يجي الليل وانا الكظيت عمري اشتعل شمعة
    بس هواية ..كافي وياك لهنا النهاية وياك صارت حيل بشعة
    اريد اتخفى عنك والبس قناع واريد بكلبي غيرك هم اقنعه
    واريد احجي وياك بالتفاصيل واريد لضيم كلبي كلة اطلعه
    واريد المشتره يتفرج اليوم على حسابي اذيتي تصير سلعه
    واريده يبجي هسة الماضحك يوم مو دمعة حزن بس فرح دمعه
    تعال اسمعه لكلبي يردد (اهواك) وإذا انت كرهت ماظن تسمعه
    كمت تسد اذانك من عليك يصيح كلبي هسة صار يجيب سمعه
    الك قلعة عشك بالكلب سويت بس هسة بقت انقاض قلعة
    اريد اقلع القلعة بكلبي وارتاح واذا كلبي اعترض هم كلبي اقلعه
    الك دفعة بله نطيت انا الروح وانت الكتلي روح وياهة دفعة
    اني الينسه حبي وينكر الطيب لا مو بس البسه..هم انزعه
    و احركه بناركلبي الماطفت يوم وأجزعه من الحياه والدنية اجزعه
    سنه ما تهنى اللي ضحك بيه وبنفس سنه اخلي يعض اصبعه
    شسويله بعد؟ مو كافي مليت اشمرله الكلب ويحطله درعه
    بسك يا شعر ،لاتعتب ارجوك لا تظن الأصل يتناسه فرعه
    لتصدك اعوفك ..جذب انساك بس ردت اسوي وياك خدعه









    احترامااااتي لكم جميعاً
  2. بواسطة ABaSs AL iRaQi

    تعيش ورده
  3. بواسطة جبروت امرأة

    يسلمووووو