منتديات نبع الفرات

تمت ارشفة منتديات نبع الفرات

المشاركات من الموضوع ابيات شعر ابوذيه وزهيري جميله

  1. بواسطة بهلول الرشيد

    السلام عليكم ورحمه الله وبركاته
    هذه ابيات اعجبتني واحببت ان اضعها لكم في موضوع خاص

    تحياتي

    حاير حبيبي ألك شكتب وشرسل/ورد/
    تمنيت كون أوصلك وأنطيك قلبي /ورد/
    بالروح حبك زرع بستان خضر /ورد/
    وسهام حبك صفن بالكلب مية /وألف/
    بس انت ولفي صرت ماعندي غيرك /ولف/
    ولو أبقى طول ألعمر أفتر وأدور /ولف/
    ما ألكة مثلك محب أروي بحنانه /ورد/



    وحك ألعن حبيبه /ماتخله/
    ألجسد ميت يصاحب /مات خله/
    ألمن كاظ رمحك /ماتخليه/
    بصدري وخل تشب نيران بيه



    يابحر الأخوه /هالنشامه/
    صاح بصوت حيهم /هالنشامه/
    متعجب شعندك /هنه شامه/
    وحلك محبس وعينك نرجسيه


    تشم عطر ألمحبه /منهو أنه/
    ذاب ألكلب صدك /من هوانه/
    بحيث أنسيت أسمي /منهو أنه/
    وريدك فدوى تسألي عليه



    ضامي ولا تظن ضامي /لما أن/
    إلك لولاك دلالي /لما أن/
    خيلك داست بصدري /لما أن/
    حليب أمي ألرضعته أختمر بيه



    أراهن وكتي ما ينصف /بعدلا/
    وگضه عمري اضن ساعه /بعدلا/
    لتركني ابضيج گولوله بعد لا
    يمرني ولا امرله وهاي هيه .



    دنياي جانت ألي عايش بخير و /يسر/
    وبابي ما ينغلك ولأصحابي صاير/يسر/
    من دار وجهة ألوكت ماجاني واحد /يسر/
    كبل ألشماتة ألربع من طحت صاحو /حل/
    وشربت كاس ألحزن وألشيب جاني /وحل/
    وأصبحت في مشكلة ما ألها أبدا /حل/
    مشلول وبنص بحر وأثنين أدية يسر