منتديات نبع الفرات

تمت ارشفة منتديات نبع الفرات

المشاركات من الموضوع دايخ بالنجف وأسأل الرايح جاي

  1. بواسطة بهلول الرشيد

    دايخ بالنجف وأسأل الرايح جاي
    اريد الى اخر المكبره ايودوني
    أسأل بس سوالي ماتسمعه الناس
    بدت تسأل عليهم دمعة اعيوني
    وين اهل الرحم اسمع دليلي ايصيح
    على مكبرة البديري فدوه دلوني
    الي احباب بيه اعزاز كلش حيل
    وبهم وبهضم وبذله خلوني
    ابيافتحه احبابك وين مدفونين
    مااعرف اجاوب لمن سألوني
    لان جلمة دفن شبت دليلي ابنار
    واسمع كلبي صاح ابصوت طفوني
    كعدت عالرصيف اذكريته يكول
    عدل ميت يخوتي لاتتيهوني
    من طبعي ابد ماتيه الاخوان
    لجن شت عكلي مني لاتلوموني
    امغيمه المكبره مابيه بس اغبار
    وصخر وتراب عنهم عالي من دوني
    اباب الطوسي جسمي ظل مثل تمثال
    وخذو كلبي وصوب الحولي فروني
    الفتحه السابعه وذاك السموم الحار
    ومن مر الصبر انترس ماعوني
    لكيت اكبورهم صفه مثل ديوان
    بس من اكبلت شو ماتلكوني
    ولكيت اصور عجيبه عوزه بس روح
    بجيت اكبالهم بس مايحاجوني
    ولكيت اتراب مابين الصور والجام
    على ذيج الحلوك البيه حبوني
    شبكت اكبورهم شبكة محب محتام
    على طاري اهلنه وانت سألوني
    يروحي ابنار هجرالوكت شباج
    وعليج الظيم من كل صوب شباج
    افتر عالكبر مابيه شباج
    افتر عالكبر واصفك بديه
  2. بواسطة ام بنين

    الله يرحمهم ويحسن اليهم

    مأجور ابوزهراء وفقك الله
  3. بواسطة Rain

    الله يرحم شهدائنا هم طيور في الجنه الان
    لا هم الحياة ولا جروح البشر
    هم عند خالق الكون ومنبع الرحمه
    عظم الله اجرك ابو زهراء واجور كل عوائل الشهداء
  4. بواسطة بهلول الرشيد

    نورتوا حبايب
    شكرا تحياتي