تمت ارشفة منتديات نبع الفرات
(السلام عليك سيدي ومولاي أبا الحسنين)
دكَيت باب المرتضى وقدمـّــــت كل اوراقي
وبايعته بيعة رافضي وعاهدته من اعماقي
_____________
بايعته بيعة رافضي والعهد ما بي رجعه
واجب ولائك سيدي هـــذا أمـر موبدعــه
والراد للجنه يطــــب لازم كتابه توقعــه
والما يوقعله علي بــوادي جهنــم باقـــي
____________
مبـــروك للبايع علـي والفــــايز بتوقيعه
حيدر ولي كل البشر مومقتصر عالشيعه
امره بكتاب الله نزل واجب علينه نطيعه
والخالف أمر الله تره انواع العذاب يلاقي
___________
باب العلم للمصطفى وبألخلكَــ هوه الاعلم
والـــرايد يحصـّل علِــم مـن حيدره يتعلـّم
حيدر نموذج للعلِم بعـد الرسول الاعــظم
بكل عِلم حيدر مدرســه ولكل علِـم سباقي
___________
حيدر وصي المصطفى وزوج البتول البضعه
ايتامـــــه باتت غافيه بعينه الفضيـــه الوسعه
هــــذا يطــّيب خاطــــره وهــذا ينشـّف دمعه
حكمـــه مـــع كل البشر بألعـــــدل والاشفاقي.
(أسألكم ألـــدعاء)
عاشت ايدك يامبدع