منتديات نبع الفرات

تمت ارشفة منتديات نبع الفرات

المشاركات من الموضوع وداع بصمت

  1. بواسطة المراسل

    كون نتوادع حبيبي بلايا صوت
    ومانخلّي الناس تسمع بالنهاية
    وكون من تحجي تكول (الله معاج)
    بصوت ناصي كولها هاي الحجاية
    لان اذني تعوّدت تسمع غزل
    صعب تسمع بالوداع شلون هايه؟؟

    كون عينك ما تحطها بعيني
    كون ما شوفن اثر جفّيني
    كون ماتمشي وتدِّنك من تروح
    لان بس كلمة (احبك)
    هي خلّتك تدّنك .. من حجت شفتيني

    كون من ترحل تسد بابك وراك
    حتى دمعي ما اريد تشوفه
    وإترك بظهرك عيوني بالدموع
    ولاتحاول جرحك انت تروفه
    اني عفتك وهيج قررنا النهاية
    وكل اثر لازم اظن نعوفة

    لاتكلي هسة يلا الكلب حن
    ولاتكلي هسة يلا اتذكّرت
    اني جرّبت القساوة من ايديك
    واني حالف ولِهذا قررت!!!!

    قررت انساك وانسى الحب سوى
    ولو تضل الماي انت والهوى
    ولو تظل الظلمة تنتظرك ضوة
    ما اريدك هيج كلبي شو نوة

    بس اذا جيت وردت نتوادع
    خلي نتوادع حبيبي بلايا صوت
    ومانخلي الناس تسمع بالنهاية
    وكون من تحجي وتكول (الله معاج)
    بصوت ناصي كولها هاي الحجاية.

    *بقلمي*