منتديات نبع الفرات

تمت ارشفة منتديات نبع الفرات

المشاركات من الموضوع ابوذيات الشاعره شهد المعموري

  1. بواسطة شـ,ـهـ,ـد

    ابوذيات
    ………….
    الم انه ابقى عندك انه ذكرى
    وابد منسى النساني وابقه اذكره
    لاتسال كرهتك انه اذا اكره
    اكره بالجذب والبيه بيه
    ************************
    احذرك لاترد النوب واياك
    وانه الي جنت فدنوب وياك
    لوتدنى الكلب صدكني وياك
    وبعد مالي كلب ينبض بديه
    ************************
    قصتي وياك مانعرف نحلهه
    عزيزه الروح وفراكك نحلهه
    لسعتي اليوم ماتعرف نحلهه
    ولا نعرف دواهه تضل خفيه
    ************************
    اطل الطيب يطلع من نبعنه
    وشربته الماي صافي من نبعنه
    شتضن ياعراق ارضك من بعنه
    نبيع الروح منبيع الهويه
    ************************
    الكلب فرحان تك ومنفعل تك
    وانا الندمان صدك منفعلتك
    نسيت شلون بيدي منفعلتك
    وهسه انت جبل صاير عليه
    ***********************
    سيوفك ليش علعايل مثلمه
    بس وياي بايعلي مثل ما
    ابيعك وامسح دموعي مثل ما
    بعتني وشمتت عدواني بيه
    ***********************
    رماح الروح بعدك يخشعلهه
    وعبدهه الجان شامت يخشعلهه
    ضمهه ابين كلبه يخشعلهه
    اخاف عيون تلمحهه خطيه
    ************************
  2. بواسطة Rain

    قصتي وياك مانعرف نحلهه
    عزيزه الروح وفراكك نحلهه
    لسعتي اليوم ماتعرف نحلهه
    ولا نعرف دواهه تضل خفيه

    روعه شهوده عاشت ايدج بالفعل شاعره متمكنه ومميزه جدا
    دمتي بخير وعافيه ان شاء الله:t4409:
  3. بواسطة شـ,ـهـ,ـد

    رين محلاه ذوقه وصفهه
    قلبه مثل العسل واصفه
    محلات شعري من هيه توصفه
    يفدها القلب والعمر سويه
  4. بواسطة Ibn Babil

    اطل الطيب يطلع من نبعنه
    وشربته الماي صافي من نبعنه
    شتضن ياعراق ارضك من بعنه
    نبيع الروح منبيع الهويه
    رؤؤؤؤؤؤؤعة
    عاشت الايادي ام حر
  5. بواسطة Rain

    الله شهوده يجنن هههههههههههههههههههههههههه عاشت ايدج حبي حخلي بتوقيعي:lu
  6. بواسطة شـ,ـهـ,ـد

    ولو حبي هذا قليل بحقج
  7. بواسطة شـ,ـهـ,ـد

    احمد ورده وبلذهب ينقاس
    واخلاق بي متنقاس بلمقياس
    يسئلوني الخوه بااحمد لو بياس
    اكلهم خوه احمد وياي للمنيه
  8. بواسطة النسر الأبيض

    طقطقطقطقطقطقطقطقطقطقطقطق هذا تصفيق لكِ شهد أبوذيات راااااااااااااائعة جداً أحسنتِ
  9. بواسطة شـ,ـهـ,ـد

    احسن الله اليك انرت ايها الغالي
  10. بواسطة ام بنين

    رائعة قليلة بحقك :t4409:
  11. بواسطة بهلول الرشيد

    حلو ورائع وتقييم مستحق لام حر
    ارق تحايا الشياب
  12. بواسطة Ibn Babil

    المروة واصل الطيب ... منكم يهلهة
    خلاها رب الكون .. بيكم جعلها
  13. بواسطة شـ,ـهـ,ـد

    تسلمين حبيبتي
  14. بواسطة شـ,ـهـ,ـد

    نورتو احبتي الغالين