منتديات نبع الفرات

تمت ارشفة منتديات نبع الفرات

المشاركات من الموضوع ابو ذيات مو طبيعية قويه

  1. بواسطة شـ,ـهـ,ـد

    حبل مواصلك ياترف عدمن
    عيوني من البواجي عليك عدمن
    أدور على الوفى ياناس عدمن
    الوفى واحد وضاع بتسعمية
    @@@@@@@@@@@@
    شفت طوله وعقلي شت مني
    عيونه قبل اشافه شتمني
    هيم بيتج ياروحي شهتمني
    تمنين الذي يصعب عليه
    @@@@@@@@@@@@@@
    وحق الله وقضاه بسماه وارضه
    بغيرك لا تظن اقتنع وأرضة
    عشرتي وياك عشرة خشب وارضة
    وتلفت عضاي يوم سكنت بية
    @@@@@@@@@@@@@
    حلو وياك كلبي صفه نيتة
    يريد ايكون يمك صفه نيتة
    شارعنة بجمالك صفنيتة
    وطاح من الركن للركن بية
    @@@@@@@@@@@@@
    حمى جسمي بغيابك ياما حامي
    كََظيت العمر كله ياما حامي
    بعد يلحكَ علي يا محامي
    اذا انت علي ترفع قضيه
    @@@@@@@@@@@@
    حمى جسمي بغيابك ياما حامي
    كََظيت العمر كله ياما حامي
    بعد يلحكَ علي يا محامي
    اذا انت علي ترفع قضيه
    @@@@@@@@@@@@
    دخيلك حبيبي يابعدالروح بس تان
    اريد اخذ من الوجنات بس تان
    صرت مثل كاع البصرة بستان
    الثمر للناس وانا اعثوك الية
    @@@@@@@@@@@@
    امشي بطوعك وامرك وانه هواك
    واحبك من زغر سنك وانه هواك
    عليك الروح تنشدني وانه هواك
    شجاوبها اذا انت الروح اليه
    @@@@@@@@@@@@@@@@@
    اتركني يا ثجيل الجدم عديت
    انا بصبري صبر ايوب عديت
    اذا انت نجوم الليل عديت
    انة نجوم الظهر طلعت علية
    @@@@@@@@@@@@@@@@
    نحيل الجسم من بعدك تراني
    واريدك دوم بعيونك تراني
    افكر بيك كل لحظه تراني
    واسألك هم تفكر دوم بيه؟
    @@@@@@@@@@
    واريد الزم خدك واشتمنه
    واريد انعل ابيك وشتمنه
    تدري شراد كلبي وشتمنه
    على صدرك اموت وهاي هيه
    @@@@@@@@@@@@
    مجنون وهواك النوب جني
    وشياطين العشك ركاض جني
    مو جني ركبني 100 جني
    قفلت ولا رهم مفتاح اليه