منتديات نبع الفرات

تمت ارشفة منتديات نبع الفرات

المشاركات من الموضوع يا ورد الصبر وسط الجرح مزروع

  1. بواسطة المراسل

    يالقلبك قسه ويتحمل فراكي طبعت بايدي عله بابك حنة اشواكي
    عرفتك نار شمعه وتطفه من الريح
    طبعت بايدي عله بابك حنة اشواكي وبغفلة حلم من بين اديه اتطيح
    وصفه بس الدمع والحزن عشاكي

    ادمنتك مثل ما ادمن هدومي
    ومنو غيرك سمه وتتحله بنجومي
    عكبك لا الليالي مثل ليل الناس
    ولا صبحي صبح لابيه شمس يومي
    احس مسجونك انه طيوفك اطواكي


    احس محتاجك انه وغيمه كلها احلام
    خل تنام عينك وبجفاي تنام
    خل تنظام روحي المهم ماتنظام
    خل الماي الك والعطش يم راكي


    يا ورد الصبر وسط الجرح مزروع
    شنهو العيد اذا من شوفتك ممنوع
    اخاف اتهجه اسمك وبلفظ مسموع
    تبين صورتك بعيوني جنهه دموع
    كضيت العمر كله لوردتك ساكي

    يبسمار الجفه بلوح القدر مدكوك
    جنت مثل الكمر ولعيني بس تلوك
    يااول عشك ولفرحتي مخلوك
    شنو الشفته بحياتي وبعدك شلاكي
    طبعت بايدي عله بابك حنة اشواكي



    منقول
    تحياااتي لكم
    وردة البيضااااااااء