منتديات نبع الفرات

تمت ارشفة منتديات نبع الفرات

المشاركات من الموضوع شعر شعبي عن الخيانه

  1. بواسطة شـ,ـهـ,ـد

    انت مو مالح ولا عندك رفيج
    واعله عود ابخور تنطي ابصاحبك
    شيل من بالك اعرفك واشتريك
    لوتطيح ابركبتي مااعاتبك
    لاتضل اتكنكن وتحجي ابكفاي
    خاف اسولفهن وازين اشواربك
    احض منك واحض من العلموك
    وانه فوكك عاجبك ماعاجبك
    $$$$
    كان مني وانا منه أكوون...!!!
    وصار_ماضي_الجان_من_صحباني
    لم أظن اني يوما ارى أأأأخ يخوون....!!!!
    وفوك_ماخاين_يكلي_أنساني
    صاب عقلي بعد كل هذا الذهول....!!!
    وراح_أبيع_الباعني_وغشاني
    قالوو :وقت الضيق نحتاج لصديق...!!
    صوجي_رايد_شخص_مايسواني
    أسمحووو لي ان أقول الغدر عااار...!!
    وعيب_يغدرني_أعز_صحباااااني. ..

    $$$$


    ماوفيتي
    وألدليل بخطوتچ وكت ألرحيل
    بلا موادع درتي وجهچ ردتي حيله ومالگيتي
    .
    ومن مشيتي
    شچان ضنچ ليلي هم يتبعه ليل
    وما تطر شمس ألنهار وأبتدي منين أنتهيتي
    .
    وأعتنيتي
    بدرب هجرچ وآنه أگولن مستحيل
    ألعشگ ذاك يصير ماضي وصدگ يفلانه نسيتي
    .
    أي نسيتي
    وبان غدرچ وألحصل منچ قليل
    ثاري وجهين أنتي عندچ وآنه مسكين عله نيتي
    .
    ويألبديتي
    شجابچ أنتي ومدمعچ عألخد يسيل
    ووهمتيني بعشگ وردي ووسط گلبي أستوطنيتي
    .
    وفززيتي
    أحساس چان بروحي أثگل من ثگيل
    جنه گلبي وكافره أنتي شطبباچ منين أجيتي
    .
    مادريتي
    ألحب قضيه يعيشها أبن آدم عليل
    ماحسبتي لهألنهاية ومتهم صرتي بقضيتي
    .
    شحسبيتي
    گليبي ألأبيض مثله تلگين ألبديل
    وبرخص بعتي عشرتي وولاچنچ عاشريتي
    .
    وشجنيتي
    ألخاسر أنتي وروحي دوريلچ مثيل
    ألمثلي ميوالم حظرتچ طبعي أوافي وأنتي خنتي
    .
    أنتهيتي
    وهذى آخر ما أگلچ بعدي حيل
    وخاف ضنچ مانسيتچ بطلي ضنچ وأنسيتي
    .
    ويألجفيتي
    بينتلچ بأول أبياتي ألدليل
    بلا موادع درتي وجهچ ردتي حيله ومالگيتي
    .
  2. بواسطة المرهفة

    شكرا لجهودك ام حر :t4409:
  3. بواسطة شـ,ـهـ,ـد

    منوره حبيبتي