منتديات نبع الفرات

تمت ارشفة منتديات نبع الفرات

المشاركات من الموضوع تتندم علي تحلم تردلي بيوم

  1. بواسطة شـ,ـهـ,ـد

    ما مرتاح طبعاً والحچي مايفيد
    وبعد ما ظل صبر كافي الصبرته

    بالحب تختلف مااختلف وياك
    بس عوض گلب مني اﻻخذته

    مليت انتظر باچر تجي وما جاي
    عگب باچر اجه وما جيت انته ؟

    واسهر والسهر ريشه ابمهب الريح
    واحس حتى الگمر عاتبني سكته

    وگلي اشحصلت من عمري ذاك الفات
    اذا نص العمر لجلك سهرته

    واذا بيه الذنب فهمني خل ارتاح
    واذا بيك الذنب رغماً قبلته

    يحسدونه شكثر حسبونه عالعشاگ
    ويگلولي شكثر من عدنه بگته

    وگتلهم چذب بس باﻷسم محبوب
    ومتندم على يوم العرفَته

    ﻷن طبع اليحب معروف عند الناس
    صافن والحچي كله ابصفنته

    وانته ﻻ تحن ﻻ مثلي هم تشتاگ
    وقانون العشگ وحدك عزفته

    موهيچ اليحب گلب اليحب ولهان
    وﻻ گلب اليحب هم هيچ دگته

    كل ساعه احترگ طافيني دمع العين
    وترجع حضرتك ثاني وشعلته

    ومثل عالم صرت بس تخترع اﻻعذار
    ولعلمك نعم هسه افتهمته

    بستانك حزن منه جنيت اهموم
    ماجاني الفرح ﻻيوم ضگته

    كافي بطلت رجعلي گلبي النوب
    مااريد العشگ ماعندي بخته

    وباچر ﻻ تجي ودّگ على الباب
    مفتاحك ﻷن اصﻼً كسرته

    وتتندم علي تحلم تردلي بيوم
    وخط رجعه چذب سولفهه نكته



    وازيدك بالشعر بيتين مو بس بيت
    البومك للصور بيدي حرگته

    ورسمك لو طفل والعين امه اتصير
    من عيني بعد صدگ فطمته !!!

    وخسران اعترف والحب تجاره صار
    وبايع مشتري كل شي خسرته

    بس ابقه القلم وانته الورق جوّاي
    وبكيفي اﻻريده والشطبته
  2. بواسطة Ibn Babil

    رؤؤؤؤؤؤعة
    سلمت الانامل شهد
    مودتي
  3. بواسطة شـ,ـهـ,ـد

    الرووعه اكتملت بتواجدك العطر
  4. بواسطة امل

    حلو
    عاشت ايدج
  5. بواسطة فهد الزيادي

    عاشت الانامل
  6. بواسطة شـ,ـهـ,ـد

    شكرا للمروركم الجميل وتواصلكم الطيب
    احبتي الغالين