منتديات نبع الفرات

تمت ارشفة منتديات نبع الفرات

المشاركات من الموضوع مختارات لأجمل ماكتب في الأبوذيه

  1. بواسطة المراسل

    جبل همك امس شلته وصخراك
    ورايك وصخ ماكتلك وصخ راك
    ليش من ارد احشمنك وصخرك
    علىي تنكلب سيف وتكص بيه
    ~~~~
    شبدا وشوكك لخلك من جفيته
    وعليه شكال كلبك من جفيته
    سهم غدرك كتلني من جفيته
    ولا خطأ من اكبل عليه
    ~~~~
    بهالدنيا كعدنا شكثر وي ناس
    مالكينا ليفرح الكلب ويناس
    يدنك لويشوفك طحت وينس
    وبلشدات عافك بلثنيه
    ~~~~
    ياعيني انته ياعيني مالي عيني
    وياهو خلاف عينك مالي عيني
    امك من تلزمك مالي عيني
    اكلهه ابنج صدك بس هو اليه
    ~~~~
    محبتك كهربتني شاره بيهه
    وحجا كلبي ويا عقلي شار بيهه
    محبتك جنهه سيد شاره بيهه
    على غيرك باوعت شورت بيه
    ~~~~
    لساني لهسه من حبك ورد بيه
    شلون انساك يلخدك ورد بيه
    كلبي يريد يمشيلك وارد بيه
    اكضه يكول مالك شغل بيه
    ~~~~
    عدل صوبك جدامي جر عدلك
    وادليك بحجي المر جرعه دلك
    اثكل كافي بسك جر عدل لك
    زعلت؟ لاتجر عدل حقك عليه
    ~~~~
    دمع عيني اعتقد بجفاك وشل
    وجرحي مايفيده ضمادوشال
    ولو عضاي كلها اتموت وتشل
    اظل اهواك لأخر نفس بيه
    ~~~~
    عيوني طالبا لجلك وداعك
    واعيونك شغرا علة وداعك
    تذكر من كلتلي انته وداعاك
    احس ارض وسمه انطبكت عليه
    ~~~~
    ض21تحياتي بحرالعيون