منتديات نبع الفرات

تمت ارشفة منتديات نبع الفرات

المشاركات من الموضوع قصيدة بحق امير المؤمنين علي ابن ابي طالب (ع)2015 شعر شعبي

  1. بواسطة فهد الزيادي

    قصيدة بحق امير المؤمنين علي ابن ابي طالب (ع)الضاربه وطايح تحت جدمك اكيد
    هذا معذور ان بغض او مابغض
    كطعت انفاسه اصابع ذو الفقار
    انته عالي وهو جان بمنخفض
    شتعتقد مولاي شيسولف عليك؟
    لو تركته ومن تحت سيفك نهض؟
    ماياثر بيه لا والله محال
    انته حبك عن ظهر قلبي انحفض
    انه احبك وانته اعز حتى من ابوي
    بعتمة الذر عايش وحبك ومض
    العشك مر بي ظرف ماعنده شوك
    ومن هواك الساكن بروحي اقترض
    انه شارط عالنفس الا انته بي
    وكون اموت بحبك من المفترض
    هيج اموت وحبك اسباب الوفاه؟
    هايه والله ياعلي يريدلهه حظ
    من تجي تخلصني من منكر بديك
    قابل يكلك علي شلك غرض؟؟؟
    حبك اثمر من زرعته بروحي روح
    وبي ترهيت علدكات النبض
    روحي من تتعب ابخرهه بهواك
    تبرد والكه الصراع البيهه فض
    اجمع انجازاتك الكاهن حياة
    الكه شمسك خلت الليل اتعض
    انته ياثورة نده اليقراك اكيد
    يلمح ايد الهمشك لمن قبض
    مافهمت اسرار عطر احساس اديك
    جفن الايتام علريحتهن غمض
    وماطردته الكلك انطيني ولكاك
    راكع ومن ايدك الخاتم نهض
    شما يطفونك جمر تبزغ نهار
    شما يخنكون اسمك الموت اعترض
    الحسبو بالقوه يتحاصر ضواك
    كبال عين سباعهم سيفك عرض
    اشتركو بنفس النتيجه القاتلوك
    من ضربتك بالنزال الكل ركض
    وراحلك فدوه ابن ود وقصه صار
    عود اجاك مصمم وعود انتفض!!
    ومرحب انه اتوقعك مالحته لا!!
    يجوز شافك جايه وضغطه انخفض
    ياامل روحي اللكيت احلامي بي
    يالعقد حبك عالارواح انعرض
    قلبي وقعلك عهد لارجعه فيه
    وردت اشوفه يوقع لغيرك؟؟رفض
  2. بواسطة Ibn Babil

    السلام عليك ياسيدي ومولاي يا أمير المؤمنين
    جزاك الله خير فهد
  3. بواسطة فهد الزيادي

    انرت بمرورك احمد
  4. بواسطة ام بنين

    اللهم صل على محمد وال محمد

    في ميزان حسناتك ان شاء الله تعالى