منتديات نبع الفرات

تمت ارشفة منتديات نبع الفرات

المشاركات من الموضوع حسبالك نخاف ومانروح نزور ؟ ..شعر شعبي عراقي عن الامام علي (ع)

  1. بواسطة Ibn Babil

    حسبالك نخاف ومانروح انزور
    توقف بالدرب وجلابك اتهدهن

    جماعية المقابر نصها للزوار
    مو انت التردهن ذاك ماردهن

    علي صاير مجاهد لحيتك شبرين
    وثياب الغجر للركبة لابسهن

    سفارة بكل بلد مبنية لسرائيل
    اذا انت مجاهد روح فجرهن

    تقطع راس شيعي وتدعي الاسلام
    وبراسك جنان اتريد تدخلهن

    عبادة حجارة الشيعة ليش اتقول
    لأن عقلك حجارة ودني يعقلهن

    دكلي انت شمالك من الترب مغثوث
    جاي اسجد عليهن ماسجدت الهن

    مثل ماحضرتك تسجد على السجاد
    شو محد يكلك ليش تعبدهن

    قصدنا المحتوى مو بالضريح انبوس
    ولا تعني المعادن النا بوستهن

    بس ندري بعلي واقف ورى الشباك
    واندني الشفايف حتى يختمهن

    ينعرفن لأن مادام مختومات
    الله يحرم على النار جويتهن

    واكلك على الولاية وعصمت اهل البيت
    انت بيا شريعة تريد تنكرهن

    ولايتهم جنح وأعمالنا احنا طيور
    اذا نقطع جنح ياهو يرفعهن

    ماتصعد صلاته الينكر الكرار
    لأن طرق السما بس علي يندلهن

    على الرد الشمس أكبر جسم بالكون
    بس جفوف سائل يعجز يردهن

    علي ألبس الخادم ثوب اجد من ثوب
    وثيابه السمل للموت لابسهن

    علي ولولا علي كلهن يحلهن كان
    وعلى اللي مايحلهن حيدر يحلهن

    نعم من موسى اكرم انت يالكرار
    وحق وادي طوى والقله اخلعهن

    لو موسى النبي داخل طوى ابنعليك
    جان رب العرش قله ابقى لابسهن

    خيبر يفتهم ما عاندك على الباب
    بس يعاندك حيطانه تشلعهن

    اسرع منطلق بالدنيا هوالضوء
    وانت النور حيدر يعني اسرعهن

    ليش التكص راسه عيونه مفتوحات
    مايلحك عليك اشلون يطبكهن

    لذلك بالحرب يتلمسون الروس
    من تخطف عليهن خاف كاطعهن

    والبطران اجاني يكلي ليش اتزور
    ومن يقول القبور اتفيد زايرهن

    والك شوف القبب مابيها لذق اتراب
    جبرائيل ينزل بيده يمسحهن

    لو مسلم صدك اتناقش انا وياك
    بس اصلا حرام افكارك اسمعهن

    عصت موسى آية وتخدم الأغنام
    لأن ربنا الغنم على العِصا فضلهن

    وافضل من محمد عندك العصاة
    تفاهاتك هذول اشلون اناقشهن

    معروفة المذاهب سنة شيعة اخوان
    انت منين لا منهم ولا منهن

    تضل الخمس الاصول الرابع الكرار
    وتبقى السبع الكبائر وانت ثامنهن



    منقول [صورة]
  2. بواسطة فهد الزيادي

    احسنت
  3. بواسطة استعجلتےالرحيےل

    شعر جميل بالهجة العراقية ولو فيه كلمات مافهمتها ههه
    بس محتوى جميل ويكتمل جمالة بازلة بعض كلمات
    تحياتي لك اخي
  4. بواسطة مرتجى العامري

    سلمت الانامل ع الطراح الرائع والمميز
    تقييم..
  5. بواسطة Ibn Babil

    أنرت فهد
    شكراً للتواجد العطر
    مودتي :t4409:
  6. بواسطة Ibn Babil

    تحياتي لك ولمرورك العطر أخي
    القصيدة منقولة ومايجوز اغير بيها لانها ليست بقلمي
    مودتي :t4409:
  7. بواسطة Ibn Babil

    أسعدني تواجدك ومرورك العطر مرتجى
    ممنون للتقييم
    مودتي :t4409: