منتديات نبع الفرات

تمت ارشفة منتديات نبع الفرات

المشاركات من الموضوع قصيدة مقارنة بين أمير المؤمنين (علي) وشهر رمضان ₪

  1. بواسطة فهد الزيادي

    قصيدة مقارنة بين أمير المؤمنين (علي) وشهر رمضان ₪•


    منو اتشرف بالاخر علي لو رمضان
    توقيت الشهاده بها الشهر عبره
    حيدر زاد قدره بموته برمضان
    لو رمضان هوه الزاد من قدره
    نسمع بالسنه مره بشهر رمضان
    وحيدر كل فريضه المأذنه اتذكره
    وتره رمضان بيه ليلة قدر لاغير
    وعلي بيه الحسن وحسين والزهره
    ما مر يوم حيدر ماذكر مسكين
    وشهر رمضان يخلص يالله الفطره
    وجائز ان تسافر في شهر رمضان
    ايام الشهر عوضهن بأخرى
    وعبّر لو مريض وصومهن بعدين

    بس حيدر جذب ما تكدر اتعبره
    ما صدك قصير القامة يامولاي
    مااكدر أبد واستوعب الحاله
    جذب حيدر كصير وهاكم البرهان
    من فوك الفرس يشمر الخياله
    جائز حيدر بطول الرسول يكون
    لان بات ابمكانه بيوم ترحاله
    بفراش الجبل ميصير تل اينام
    لازم جبل مثله ونفس تفصاله
    مقصودة السوالف هاي جذابين
    الكصر لوله وحشى اللوله اتدناله
    بحزامه الفقار يكلي جان اكصير
    معقوله الفقار يخط وره اذياله
    بما انك علي ومخلوق من النور
    اذن طولك شعاع وضوه بها الحاله
    يشهد لك نعم خيبر يبو الحسنين
    ضخم جان وجبير وبالوصف هاله
    ولزم عروة الباب اشلون فسر هاي
    لا تفسر شلون انشلعت اقفاله
    علي طولك شمس وعيونهم حفاي
    شافك من بعيد اكصير حسباله
    احفر قبر مرحب وابن ود وشوف
    تعرف حيدر طويل اشلون بفعاله
    عمود السيف ينزل جان فوك الروس
    ما يضرب الكصه الهامه منواله
    باوع عالضريح وكول جان اكصير
    اذا كل هالضريح وكوه كفاله
    اقنعني بقمر هاشم ليش جان طويل
    علي يخلف ولد يطلع شبه خاله..؟!!
    علي طوله السما واضعاف طول الكون
    ونجوم السمه مجلبات بذياله


    لــــ الشاعر المُبدع حسنْ يوسف / البصرة

    [صورة]
  2. بواسطة كايدي

    السلام على امير المؤمنين شكرا لك بوركت
  3. بواسطة جوكليته مايعة

    السلام عليك ياامير المؤمنين ...احسنت فهد
  4. بواسطة فهد الزيادي

    شكراا لكم عالمرور :t4409:
  5. بواسطة شـ,ـهـ,ـد

    السلام عليك يامولاي
    احسنت طرحا
  6. بواسطة ام بنين

    تسلم الايادي