منتديات نبع الفرات

تمت ارشفة منتديات نبع الفرات

المشاركات من الموضوع شعر شعبي للجيش العراقي والحشد الشعبي وجميع شهداء العراق 2015 بمناسبه قدوم عيد الفطر 2015

  1. بواسطة Ibn Babil

    شعر شعبي للجيش العراقي والحشد الشعبي وجميع شهداء العراق 2015 بمناسبه قدوم عيد الفطر 2015

    [صورة]


    كل عام العراق بخير وبجنه
    وكل عام الحشد بالنصر يتغنه''
    وكل عام واشوف ام الشهيد اتصيح؟
    ثار ابني تره امربع اريدنه
    ذاك المات وامه امتانيه يزفوه
    وتابوته وصلهه بليلة الحنه!!
    ذاك اللو ضحك ؟؟ تلزم سره الحلوات
    من گد مستحا ،،،محد لجح سنه
    كل عام وشكو محبوب فارگناه
    تلمع جثته ،،،وبترابه يتهنه
    كل عام ويمر طاري المدينه بخير
    ولا بالداخل،، اسمع صوت للونه
    ولايم الجوادر؟؟ جادر ينصبون
    وينصبون ثاني من ارد اشيلنه
    ولاتنفجر بالگياره ،،جثة شاب
    واحتار من اشوفه شلون المنه!!
    ولايوگع صديج بشارع الفلاح!!
    والساحة مظفر امشي اشيعنه،،
    كافي اشرب (المج) بوكت سيل الماي
    وبوكت اليشح من گصتي اترسنه
    كافي ابن الصريفه يلم حطب بالعيد؟؟
    وابن القصر،،، للمرجوحه يتعنه
    غفينه اعله الگناطر مالگينه امجان؟؟؟
    واليعبر علينه ،،،،شلون ندنه!!
    ضلمه وعالگمر شگينه جيب الليل
    ولاشكينه بالنجمات باگنه
    حط بلقيس والطاهر حليبه بكوخ؟؟
    رمشه اگبالهه ما تنوخذ منه
    محتاجين اخو موقائد ومغرور؟
    وعيون الشعب،،، لوطاح يبجنه
    مانرضه برئيس اول متحجي اوياه؟
    يگلك منطقتكم،،، شيعه لوسنه
    محتاج اليطيح اگبالي من انخاه
    مو احتاجه وبلندن اشوفنه،،،،





    للشاعر سيد رفعت الصافي