منتديات نبع الفرات

تمت ارشفة منتديات نبع الفرات

المشاركات من الموضوع انا والعراق... ومتفلسف يسأل ... بقلمي

  1. بواسطة اسد الهاشمي

    يگلي انت العراقك هذا شنطيت
    شجاوب شرد اكله .. وابدي منين
    ابدي من الطفوله ... تريد وياك
    واگلك خلصت .. بسجن الملاعين
    ولمن صاح الوطن .. وصار الزماط
    ابوي انطاه عمره .. وغمض العين
    ما هادن ابوي .... بساعة الضيج
    حر طبعه واصيل .... وأوفه بالدين
    واخذت انه صفاته ... وذيج العلوم
    وابد ما همني ... طغيان السلاطين
    كثر ما هجروني .... و نمت بردان
    يمد رمشه الوطن .. ويضمني بالعين
    كلت خلصت .... وهسه الوكت يندار
    وسقط ذاك الصنم ... ويه الشياطين
    واخذت بثاره .... من كلمن غدر بيه
    وسألت الوطن .... ها وفيت بالدين؟
    رجع جاوبني بس بصوت مهضوم
    لا تفرح ابد ..... الجاي مو زين
    وصدك شفت المصايب صارت الوان
    وصرت حنطه وتدگ بيهه الطواحين
    كمت حتى من اقاتل ... انه مذموم
    يذمني الي يخاف ... إمن البزازين
    گضه عمره بترف ... وعاش مرتاح
    ما شايف قهر ... لا عصرته سنين
    فالح بالحجي ... والقيل ... والقال
    وين افعاله .... خل ينطي البراهين
    مَ يهمني كلام ... الما ... فزع يوم
    ولا شالته الغيره ... إعله المساكين
    ولحد هسه الوطن ينخاني .. ويگول
    انت ابن الحرب ... وابن الميادين
    وافعالك چثيره ... وكلهه نوماس
    وصارت فخر... تحچيهه الدواوين
    داعش ويه امريكا .. إنكوت بيك
    ابن سوح المنايا.. وطف الحسين
    شبه عصاة موسى .. لون هديت
    تخلي جيوشهم .. مجسومه نصين
    مَ يهمك .... يظل فعلك اثر بيه
    ودگت من ثگل فعلك ... موازين
    اظل لارض الوطن دوم انه نشاب
    وخلي اعداه ... بالحومه نياشين


    بقلمي / أسد ...
    28 / 6 / 2015
  2. بواسطة ام بنين

    دام عطاء قلمك سيدي
  3. بواسطة مرتجى العامري

    سلمت الانامل
    شكرا جزيلا ع الطرح الرائع والمميز
  4. بواسطة اسد الهاشمي

    دمت ودام حضورك العطر سيدتي ...
    شكرا للتواجد الكريم ...
    تحياتي ...
  5. بواسطة اسد الهاشمي

    دمت ودام حضورك المتميز يا صديقي ...
    شكرا لتشريفي بهذه للاطلاله البهيه ....
    تحياتي مع خالص الود والاحترام ...
  6. بواسطة شـ,ـهـ,ـد

    روعة جداً ما كتبته
    واحساسك فاق كل الروائع
    لم استطيع سوى كتابة تلك الكلمات البسيطة جداً
    فتقبل مروري ببساطته
  7. بواسطة اسد الهاشمي

    شكرا للمرور العطر احبتي ..،
    شرفني تواجدكم العطر ...
    تحياتي ...،
  8. بواسطة فهد الزيادي

    جميل ايها الذواق :)
  9. بواسطة اسد الهاشمي

    مرورك الاجمل ياصديق ... تحياتي
  10. بواسطة ضياء الصافي

    قلمك رائع ياسيدي
    دمت بهذا العطاء
  11. بواسطة اسد الهاشمي

    شكرا للمرور العطر ياصديقي ... آنرت الموضوع باطلالتك البهيه ...
    تحياتي يسبقها ودي واحترامي ...
  12. بواسطة Ibn Babil

    سلم بوحك اسد
    كلمات رائعة كالنجوم الزاهية
    دمت بهذا التالق
  13. بواسطة اسد الهاشمي

    شكرا للمرور العطر ياصديقي ... آنرت الموضوع باطلالتك البهيه ...
    تحياتي مع خالص ودي واحترامي ...
  14. بواسطة مترفة الجمال

    روووووووووووووووووووووعات
  15. بواسطة اسد الهاشمي

    مرورك الاروع سيدتي ...شكرا لك