منتديات نبع الفرات

تمت ارشفة منتديات نبع الفرات

المشاركات من الموضوع ها يگلبي...اذبحتها ودمها غرگ چف اديك... بقلمي

  1. بواسطة اسد الهاشمي

    ها يگلبي ...
    اذبحتها ودمها غرگ چف اديك
    واطعنتها بسيف ... بين قسوتك
    ها يگلبي...
    هي مو هاي النبض چنك نسيت
    ماحسبت حساب ...دوم ال فعلتك
    ها يگلبي
    هي فراشة عشگ وسط الظلام
    واحرگتها بكل برود ... إب شمعتك
    ها يگلبي
    هي هامت بيك وانطتلك حياة
    وانت بسهامك كتلت ...ال حبتك
    ها يگلبي
    شگلت لمن گمت تمعن بالجراح
    وكسرت ظلع الابد ... ما أَذتك
    ها يگلبي
    انت مثل الطفل لو حب الورود
    اگطعت وردة عشگها ..ال عجبتك
    ها يگلبي
    وك حمامة شوگ وتفرفر عليك
    عافت الدنيا واجت ... من رادتك
    ها يگلبي
    ما ذكرت شلون من رفت عليك
    من كسرت جناحها البي... حضنتك
    ها يگلبي
    هسه تنخاني وتگلي ارجع اريد
    وين ترجع .. ابقى دوم ... بعلتك
    ها يگلبي
    اخسرت من چان ينطيك الحنان
    ظل وحيد بنص جمرها .. ال غلطتك
    ها يگلبي
    ما لگيت خلافها ... واحد يجيك
    ولا بشر ينطيك چفه ... أب محنتك
    ها يگلبي
    هسه ماليك القهر .. حزنك بحار !!
    وتحمل امواجك اسف ... لل عشگتك

    بقلمي / أسد ...@
  2. بواسطة ضحى المؤمن

    جميل حرفك سيدي
    والأجمل عتابك بينك وبينك
    شهقة أنفاسك تتلظى دواوينها
    بـ جمرة العتاب
    ولا مفك غير ملامة وحسرة لا تفيدُ
    ولا تُجيد التصويب
    .......................
    أستمر سيدي في العطاء
    رغم ملامة الحروف
    نجد هناك ترنيمة جميلة تشبه الفجر
  3. بواسطة اسد الهاشمي

    شكرا لمرورك سيدتي ...
    شرفني تواجد حرفك المتألق ...
    دمت ودامت اطلالتك المشرقه ...
    تحياتي مع خالص ودي واحترامي ...
  4. بواسطة ملكه الحب

    رووعه كتير خيو اسد
  5. بواسطة اسد الهاشمي

    مرورك الاروع سيدتي ....
    شرفني حضورك العطر ...
    تحياتي مع خالص الود
  6. بواسطة شـ,ـهـ,ـد

    انت نبع من الابداع
    بوح عذب بعطر الحب
    ينثر الغرام فوق سطور الحب
    دام قلمك يا أسد بهذا الق الزاهي
  7. بواسطة اسد الهاشمي

    دام تواجدك الرائع سيدتي .. ودمت ودامت هذه الاطلاله النيره ...
    شرفني تواجد ضياء حرفك المتألق ليشع في سماء موضوعي ...
    لك من كل الود مع خالص التحايا العطره ...