منتديات نبع الفرات

تمت ارشفة منتديات نبع الفرات

المشاركات من الموضوع حوار الارواح .... بحروف تقطر حزن من قلمي

  1. بواسطة اسد الهاشمي

    [صورة]
    آنه بغيابچ.. احس روحي غريب
    غربة المدفون حي ... بنص گبر
    عيوني بخلافچ .. يغطيها الظلام
    عيني بفراگچ نست حتى النظر
    حتى گلبي.. عاف نبضه وحار بيچ
    وگام بوردتي ... يدورلچ ... اثر
    وريتي كامت بالنفس تنشد عليچ
    تگلي مشتاگة... بعد ما انتظر
    تدري بيٓه ... چنت اتنفس هواچ
    تگلي خلك وين .. ماعندي صبر
    عقلي بغيابچ ... عن الواقع بعيد
    عايش بذكراچ .. يعرضلچ صور
    حتى سمعي صار بغيابچ عجيب
    چنه ميت يفز... لو اسمچ حضر
    وچفي مايقبل ... يطاوعني بسلام
    يگلي عگب چفوفه هم تلمس بشر
    چانو يحبوك ... كلماتي فگدوك!
    وين هذا الچنت تكتب بي شعر؟

    [صورة]
    انه مجبوره ... اعوفنك ... غريب
    وانت تدري الموت... ماينطي عذر
    انت تدري من تكض گبري بديك
    روحي ترتاح .... ويمر بيهه المطر
    اني مو بيدي تركتك ... مستحيل
    شلون اقبل ... عيني يتركها النظر
    بس امانة ربك ... وترجع ... اكيد
    وتدري سبحانه ... اذا .. قدر گدر
    تدري من اسمع .. ونتك .. والنحيب
    تشتعل روحي ... احس لزمت جمر
    على بختك ...ادري غيري ماتشوف
    وادري بفراگي .. تعيش انت بصقر
    لكن ارحم ... روح .. هامت دوم بيك
    وادمنت شوفك ... عزيز ... ومنتصر
    ليش دومه الشعر ... يشكيلي عليك
    يگلي بچاني ... وترس گلبي .. قهر
    اني مو كتلك ... اذا اني .. مشيت
    ما اريدك دوم... تذكرني ...بشعر

    [صورة]
    ادري مجبوره ..وغصب موتچ خذاچ
    وادري ملك الموت ... فرقنا .... بأمر
    بس صعب فرگاچ ... واتمنى اجيچ
    اشلون وحدچ انت .. محبوسه بگبر
    حتى اذا انسى ... ينشدوني عليچ
    عظاي كلها تريدچ ... شبعتني قهر
    انه عيني دوم ... تسألني ...عليچ
    تگلي معقوله ولك! ... تنسى الگمر
    وگلبي من ينبض .. يكسرهه الظلوع
    يگلي يمته تموت ... إشعندك تنتظر
    وريتي بعدچ .. كامت بصدري تنوح
    مو نفس يطلع ابد ... تشهگ .. جمر
    وعقلي بعدچ صار ... يعشگ للخيال
    عايش باوراقچ .... وصاير .. سطر
    وهذا چفي الچان .. يمسحلچ دموع
    هسه بخلافچ .. غده... يدور .... بتر
    وادري بوصيتك .. ولٓ .. صدك نسيت
    تدري بيه... الكلمه من عندك ... أمر
    لكن بلا وعي ... كلماتي .... إفگدوك !
    وين هذا الچنت تكتب ... بي شعر ؟

    بقلمي / أسد ...
  2. بواسطة ABaSs AL iRaQi

    دقت على اوتار الوجع ...
    عاشت اناملك صديقي تقبل مروري البسيط
  3. بواسطة ضحى المؤمن

    سيدي الكريم
    لـ حرفك المبتّل بـ قطرات الندى
    تحايا مغلفة بكل الشكر والامتنان
  4. بواسطة اسد الهاشمي

    سيدتي ومايكون الندى بجنب حضورك الاخاذ...
    دمت ودام تواجد عطرك في مواضيعي ...
    لا حرمنا من هذه الاطلاله المشرقه ...
    تحياتي مع خالص ودي،واحترامي ...
  5. بواسطة شـ,ـهـ,ـد

    دائما بين حروفك اجد روحا تتمزج بما بنا من وجدان
    وشعور يخرج لنا بروعه البيان
    ولكم تمنيت ان لا تنتهى بى الكلمات
    فلا يسعنى غير قول الصمت فى حرم الجمال جمال
    فدمت بكل تميز وابداع
  6. بواسطة Rain

    مشاركه رائعه وانا سعيده جدا لان هذه المشاركه فازت في المسابقه الرمضانيه
    شكرا جزيلا على مجهودك الرائع اخي العزيز
    دمت بكل خير
    تحياتي
  7. بواسطة ام بنين

    احسنت
  8. بواسطة فهد الزيادي

    عاشت الانامل
  9. بواسطة اسد الهاشمي

    شكرا للتواجد الرائع احبتي ...
    شرفني مروركم العطر .. دمتم ودام عطر حضوركم الراقي ...
    تحياتي مع خالص ودي ...
  10. بواسطة ضياء الصافي

    حرفك الرائع يجعلنا ننتظلرك في كل حين
    دمت بهذا العطاء المستمر
    ودي
  11. بواسطة اسد الهاشمي

    دمت ودام عطر تواجد الزكي ... ياصديقي ... شرفني حضورك الانيق بحروفه وكلماته ...
    لا حرمنا من هذه الاطلاله المشرقه ...
    تحياتي مع خالص الود والاحترام ....
  12. بواسطة محبوب القلوب

    ملك ملك سيد أسد شكراً لك

    على الشعر الحواري الرائع

    أجدت و أحسنت أتقان الشعر

    فلك مني أجمل و اعذب التحايا

    و ها أناذا أرفع قبعتي أجلالاً و أحتراماً لك و لقلمك الراقي كرقيك
  13. بواسطة اسد الهاشمي

    شكرا للكلمات الرائعه ... والمرور الاروع ...
    دمت ودام عطر حضورك الزكي ...
    لا حرمنا من هذه الاطلاله البهيه ...
    تحياتي مع خالص ودي واحترامي ...