منتديات نبع الفرات

تمت ارشفة منتديات نبع الفرات

المشاركات من الموضوع نداء للداعشي

  1. بواسطة شـ,ـهـ,ـد

    رچيه باذانك خلــــــــــهه للتذكار – لتصدگ يداعش يوم تنهيني

    انا اوياك بفرق من السمه للگاع – الفرق واضح يداعش بينيك وبيني

    انته من العدم كل سوده صارت بيك - شلون اويه العدم تگدر تساويني

    اسأل نفسك واسالهم الحضنوك – ياهو اللي گدر بســــيوفه يحنيني

    چم ظالم اجه واچم نذل طاغوت - ما واحد گدر باحقاده يخفينـــي

    عوراتك چتيره ونار عالتاريخ – ونيران الحقد ماظنهه تچويني

    من نفتح صفحتك نلگه بس ارماد - سوده مصخمه ودخان يعميني

    كلشي سلمت لامريكه واسرائيل – بعت حتى الشرف من اجل تاذيني

    مكتوبه اعله گصتك ترضه ذله وعار – شلون يراودك فديوم تغزيني

    انا اويه الموت اتلاوه بزمن هدام – وانته اليوم جاي تريد تلويني

    انه ابن العراق الماغفه عالضيم – عراقي وغيرتي مختومه بجبيني

    آنه ابن الطفوف الحررت الهالناس – ولوما كربله چان انمحه ديني

    آنه ابن النهر والهور والناعور – آنه امن النجف كل تربتي وطيني

    انا وصوت الفشگ من زغري بالكاروك - وبصف الرصاص امي لتغطيني

    والتفگه المخده وزمزي الشاجور – زلازل نار تجدح صولتي بعيني

    اقره وفتش الثورات بالتاريخ * بالثورات اول ثوره تلگينـــــــــــــــي

    ولك آنه المنايه اترافگت وياي – وملك الموت بس رايد يرضيني

    تاريخ الرذيله وكل فكر مشــبوه * ماگدرت ابد صفحاتـه تطوينــي

    تاريخي الشموخ وغيرته الايثار – شرف عندي وفخر عباسي وحسيني

    تكويني حسيني من چنت بارحام * وكل احقادكم حطمهه تكوينـــــــــي