منتديات نبع الفرات

تمت ارشفة منتديات نبع الفرات

المشاركات من الموضوع اذب قلبي على سهمك للشاعر المظلوم عبد الحسين الحلفي

  1. بواسطة المراسل

    اذب قلبي على سهمك واني مجروح واكلك دير بالك خاف أاذيك

    اجرحني ولك بس كون علكيف لان انت ويه دمي واخاف ابديك
    اجرحني ولك بس كون ماموت حتى من يتهمونك ابريك
    على المرايه وكفت ماشفت وجهي وشفت وجهك طلعلي وكمت احاجيك
    وثبت بمرايتي وجهك مرايات وتباوع وجهه مرايتي بيك
    بكذلتك شد ركبتي وطلع الروح اريد انهى بعد تتقرب عليك
    انت بحضني بس اعتبرك بعيد اريدن هيج كون اني انخبط بيك
    بياشارع مشيت اكبالي الكاك ادور بغير شارع هم الاكيك
    ارد للبيت كبلي الكاك بالباب اطب كبلك تطب تلكاني اتانيك
    بغيرك فكرت حتى اني انساك طلع غيرك يشبهك فكرت بيك

    كلش مو طبيعي ودخت كلش بيك
    وداخت من حجيت وياك كلماتي
    إبحلاتك سيد وينكالك مولاي
    ومن كد مادخت كتلك يمولاتي
    شفتك غوشت عيني وكمت ماشوف
    درت وجهي صفح شافتك ذاناتي ؟
    تسوى الدنيا عندي من اكعد وياك
    وبدونك كلشي ماتسوى دنيتي
    من اطب البيتكم اشبك علة الباب
    ويشبكك بابنة من تطب بيتي
    فرق مابين عمري وعمرك هواي
    وكمت الخاطرك اصبغ لحيتي
    أتأذة اذا وي غيرك ارتاح
    وحيل ارتاح اذا منك أذيتي
    وي غيرك مايردني العمر ماريد
    وريد وياك لو يمك منيتي
    قضيتي وياك ابد خلتني ما شوف
    ودعي من الله لاتنحل قضيتي
    عليك العين تبجي اليل ونهار
    وكول شعطلج شو ما بجيتي
    يوصي اهلة بجهالة الرايد يموت
    وبس اسمك لكو اهلي بوصيتي
    علة غيرك مانحت ما بية عل نوح
    وعليك شكد حلو يونسني نوحي
    كضيت زيارتي بس اندعيلك
    ونسيت وداعتك اندعي الروحي
    جنت من روحي ضايج كبل ملكاك
    وكل ساعة اكل الروحي دروحي

    هسة لابعد من روحي ماضوج
    اضوج شلون ونتة الصرت روحي

    انشغ حيل من تلجمني الجروح
    وضل مقهور لو طابت جروحي

    اعتبرت الي يداوني يلجمون
    وتلجم بية وأعتبرك علاجي

    سجين بحبك انة متاني الفراج
    يوصل وأندعي لايجي فراجي

    محتاج الحنانك حيل محتاج
    ومحد غيرك يسدلي أحتياجي

    وذا عطشان يلكة نهر مثلك
    مامعقولة يفتر عل سواجي

    تحرجني بقصد واتطلع الروح
    وكل للروح مايقصد احراجي

    ابو الطبع المزاجي شكد اكرهة
    وموت عليك جي طبعك مزاجي