منتديات نبع الفرات

تمت ارشفة منتديات نبع الفرات

المشاركات من الموضوع اجمل قصائد الغزل للشاعر المرحوم عبد الحسين الحلفي

  1. بواسطة المراسل

    اجمل قصائد الغزل للشاعر المرحوم عبد الحسين الحلفي

    بيعني بشكد بعتني انا اشتريك
    ذب عسل عمرك الغيري
    وبقه حنظل حتى حنظل اشتهيك
    موبديه اتولعت حيل انه بيك
    وكمت يوميه اجيك
    واذكر اول مره جيتك
    كبل لامد ايدي اسلم
    كلبي سلم كض اديك
    لايك الاسود عليك
    ولايك الكلشي عليك
    وشارع شكبره وشكده
    مادوس اله عالكلبي شلون بيك
    مد اديك اشلع عيوني لاتمدهن
    اخاف تتعب انه اخل عيني تجيك
    يافلان الدنيا مابيه امان
    وانه امن من اكضيه معاك
    يافلان اعليك ادور من زمان
    وفرح كلبي من عثر بيك ولكاك
    وانه وي كلبي عرك والله عليك
    وضجت من كلبي لان مني خذاك
    انت من تزعل اموت ابين اديك
    ومن تشاقيني ارد حي بشقاك
    هوه غيرك من اشمنه اموت
    ولاكن ارجع عدل لو شم هواك
    تدري انه شكد احبنك بحيث
    من تهد انت علي افزع وراك