منتديات نبع الفرات

تمت ارشفة منتديات نبع الفرات

المشاركات من الموضوع كون أموت ..

  1. بواسطة فهد الزيادي

    كون أموت ..
    كون أسد بيبان عمري
    بحضن تابوت
    كون أغمض وأستراح
    وفوك خلگي تحط حمامه
    ويبني بيته العنكبوت
    كون أحس الدنيا صنطه
    وأشرد بسد رحمة الله .. أشلون يونس
    والگبر يبلعني .. حوت
    كون أهيس الدنيا ليل
    وصوت المشيعين يوصل حضرموت
    وظلي يمشي .. وي الجنازه
    يضوك نبرات الأحبهم
    بهيده يتلمس حزنهم
    يطيح دمعه .. تجوي خد الچنت أحبها
    ورجفه تاكل مستحاها
    وتصرخ اووووف ..
    راية الميتين بيضه
    هاي كفارة عشگ بسكوت
    وتنبت بشباچ غرفتنه .. قصيده
    وأشتهي الفانوس طافي
    وچرچف مطرز دفو
    ونهد يترس مشتهاتي .. بلايه صوت
    وأشتهي .. وتسمعني نجمه
    وتشتكي البيبان شارعنا القديم
    وينخطف لون البيوت
    لا يگلبي .. ما أريدن .. ما أريدن
    كون بس تلتفت روحي
    يترس عيوني التراب
    وما أفوت
    كون أموت
  2. بواسطة الشمرية

    رووووووووعة