منتديات نبع الفرات

تمت ارشفة منتديات نبع الفرات

المشاركات من الموضوع شارع الحبوبـــــــــــــــــــــــــــــــي

  1. بواسطة المراسل

    اخوتي الاعزاء السلام عليكم ورحمة الله وبركاته
    الشاعر مجيد جاسم الخيون هوة من شعراء الناصرية الشعبيين الكبار من جيل السيد عريان السيد خلف كتب العديد من القصائد الرائعة وله ديوان بعنوان هور الجبايش وديوان اخر لم يطبع لحد الان لعدم اهتمام عائلته وجمعية ادباء الناصرية بهذا التراث لاحد شعراء الناصرية الكبار
    مجيد الخيون هوة من اسرة بيت الخيون الكبيرة والتي تتزعم قبيلة بني اسد في كل العراق ومقرها قضاء الجبايش الذي يحتضن الاهوار وكان شاعرنا طيب المعشر حلو الكلام حنين على كل شيء وتنزل دموعه لابسط الاشياء كان يجامل الجميع كان صغيرا مع الصغار وكبيرا مع الكبار
    لقد قمت مؤخرا بجمع بعض قصائده الغير مطبوعة وسوف اقوم بنشرها من خلال هذا المنتدى فارجو ان تستمتعو بهذا الشعر الجميل لشاعرنا الكبير الاستاذ مجيد الخيون رحمه الله
    الله ياعكد الهوى

    ياشارع ألحبوبي اشكثر داسه عليك اجدام ترفه
    ياحمام أمكلش ويالكاع زفة
    ياوننين العاشك المالوم لو ون أعلة ولفة
    هاي نجمات الثرية بشارع الحبوبي صدفة
    ماهي صفة
    أرد أنشدك اكو عطار اليوزع حسن بالشارع تخفة
    خوش اسمك اسم شاعر غزل مفكود وسفه
    مانظم غير الرقيق من الشعر حافظة العشاك وصفة
    شارع الحبوبي لو عكد الهوى الماغمض طرفة
    ماهر ويالماتغمض جفونهن بالليل عض شفة علة شفة
    هاي حلواتك تدوس كلوب مادا ست بجبدك هاي كلفة
    حبر صيني أعيونهن مالونتهن ميل كحلة
    والمسج يطاير من الروس ويزامط بالحّلة
    هاي عملة وبعد عملة وذيج عملة
    آنة واهب روح مطلوب أعلة جتلة.. خلها تبله
    أرد أنام بنص سوالفهن وحوش ألمسج كلة
    ياتنغمشهن بكلبي وياحجاياهن امخافك شعر كذلة
    ياخصر ناحل...
    ترس محبس ذهب اعليج مملوح المحلة

    ياترف حرحارة الرجلين ماكتلت النملة
    اشلون عملة .. بس لحم مابيه عظم جاشنهو ثكله
    أرد اسأله كون يوكف مايشيل الغيض وانزور بخيالة
    وارد أحشم ناصريتنة وعشكها
    وزامل وحسون .. رزاق بدلالة
    ضيعو راس الو شيعة ..ماحجو ماسا يلو
    ماكالو الشارع اشمالة
    فلك طرني وبالمسية بيوم نحرتني غزالة
    تسحك اخشوم النذالة
    شايلة الصينية عادة
    نايلة دبلوم من فرع الهوى وعدها شهادة
    زين صابر يوم لاكتني وكالت
    شرد اسويلك يدادة
    وتحياتنا للاخوه اهل الناصريه
  2. بواسطة ABaSs AL iRaQi

    شكرا الك