منتديات نبع الفرات

تمت ارشفة منتديات نبع الفرات

المشاركات من الموضوع جلجل الليل

  1. بواسطة شـ,ـهـ,ـد

    3704

    جلجل الليل يبوهه جلجل الليل ...اخوته غابو مايجوه وجلجل الليل


    واحد ابفيض النحر .....وكمر طايح عالنهر


    ************


    ياعلي يابو الشدايد وانت غايب...... دمع زينب من نزل شفته شايب


    شجره زينب صارت وحملت مصايب ....تغفه بين الهم يحيدر والنوايب


    ********


    رادت بكل ساعه امهه وجلجل الليل ........لو تجي بصدرك تضمه وجلجل الليل


    ذيج محنية الظهر.... والكمر طايح عالنهر


    *******


    ياعلي بين الزلم زينب سبيه ..... يجره حبل وجفهه يحيدر دميه


    تجتفت مثلك يحيدر بالوصيه ...... مثل امهه بصبر زينب قويه


    لاجن بلا حسين تمشي وجلجل الليل.... وعالنهر عيون تبجي وجلجل الليل


    وحيده مابين الخطر.... والكمر طايح عالنهر


    **********
    تسكت شفاف اليتامه لو بجيهه .... وبسواد الليل تجيهه


    كلبك من السما طاح ابين اديهه ..... من العرش هاليله جيت ومعتنيه


    ذبلت هروش المدامع وجلجل الليل ... للحزن دلالي خاضع وجلجل الليل


    ويبجي تلكاه القدر.. والكمر طايح عالنهر


    *********


    ياعلي مثل الوديعه الزهره امهه .... تدري جم سوط الضربهه واللطمهه


    شوف بأثار مزورع دمهه ..... شصار بيه وابو فاضل ماكو يمهه


    تلزم المتن وتذكرتك وجلجل الليل ......يلجرح تحجي وتخبرك وجلجل الليل


    والدمع مثل المطر ..... والكمر طايح عالنهر


    *********
    الشاعره شهد المعموري
  2. بواسطة ضياء الصافي

    عاشت تلك الانامل الذهبية
    رووعة في التعبير
    مر من هنا ضياء الصافي
  3. بواسطة شـ,ـهـ,ـد

    عاشت ايامك اخي العزيز
    انرت بتواجدك العطر
  4. بواسطة محبوب القلوب

    كلمات نابعة من وحي أحساس راقي

    دمي بهذا العطاء أم حر شاعرة النبع المبدعة

    و في ميزان حسناكِ أن شاء الله تعالى

    تقييم
  5. بواسطة اسد الهاشمي

    سلمت الانامل... في ميزان حسناتك ان شاء الله ...
    احسنت دمت ودام نبض قلمك سيدتي ...
    تحياتي ...
  6. بواسطة شـ,ـهـ,ـد

    الابداع هوه مرورك الجميل الذي اسعدني كثيرا بتواصلكم الطيب