منتديات نبع الفرات

تمت ارشفة منتديات نبع الفرات

المشاركات من الموضوع الى حواء (قلمي وما يكتب)

  1. بواسطة ضياء الصافي

    [صورة]



    كضيت قلمي بنص ليل وشما أريد أكتب يجرني بحسره
    كتله اشعجب شنهي عل بختك هاي اول مره
    ادري انت موتدريني اكتب ؟
    لا وحقّك موخليه الجَره
    كتله اشّفت كابوس ؟
    شو من كلت كابوس هزني وفز عليه بعين حمره
    كال ارفع ايدك روح وتوضى وتعال وعيد ليه الكرّه
    كتله الوضوء بليل كلش مستحب ويطرد ابليس وشره
    بس كل فعل يراد اله ردت فعل أمر الوضوء انطيني فسره
    كال الأمر كلش صعب
    يرادله شدت كلب
    كتله دخيلك ياعلي حيرني هذا القلم والله ابأمره
    انّوب ردلي ابرد صلف,
    كال الكلب لوينكسر شمحتاج الك وتجبره؟
    لوحزنك الما ينكبت ياهو اليحط ايده على راسك بالحنان يصبره؟
    كتله أعتذر منك قلم
    ماجنت أحس بيك الآلم
    انا اطخ راس وانحني أجلالاً لهاي العفيفة الحره



    شكراً لكم
    وأعتذر لأني لا أجد كلماتٌ ترقى لها

    بقلمي الحائر
    معكم سيد ضياء



    [صورة]
  2. بواسطة ام بنين

    عاشت الايادي

    كلمات نقية ومعبرة
  3. بواسطة فهد الزيادي

    الله الله يامبدع شكراالك على النقل :lmao:
  4. بواسطة ضياء الصافي

    حياج الله
    قد انار متصفحي بوجودكِ
  5. بواسطة شـ,ـهـ,ـد

    عاشت الايادي قلم مبدع حقا
  6. بواسطة ضياء الصافي

    شكراً لك حبيبي الغالي
    بس تعبت بنقلها
    اخخخخخ
  7. بواسطة ضياء الصافي

    منكم الابداع شاعرتنا
    تحيتي
  8. بواسطة Alforati

    شكرا الك يابطل
    بس اكو زحف وخلل بالقافية كثير
    حاول تركز عليهن
    بس كلامك حلو
  9. بواسطة ضياء الصافي

    حبيبي الغالي تاج راسي
    نصيحتك فوگ راسي
    ولايوجد زحف بالقافيه
    ولكن العامّيه تختلف في اللفض
    لو قرأتها أمامك لم تجد اي خلل
    ودي وأحترامي لك
    واذا تريد اقراها الك
    صدگ شلون اخخخخ
    تعال للخاص بالفيس وتدلل
    اخوك.سيد ضياء الصافي
  10. بواسطة اسد الهاشمي

    روعه سيدنا سلمت الانامل ... تقبل مروري وتقييمي المتواضع ...