منتديات نبع الفرات

تمت ارشفة منتديات نبع الفرات

المشاركات من الموضوع ( حوار مع حسنه ... بعد ثمان سنين ) ..... بقلمي

  1. بواسطة اسد الهاشمي

    عن طريق الصدفه قرأت قصيده الشاعر رحيم المالكي ( حسنه ملص )...
    فتبادر الى ذهني الفرق بين وقت القاء القصيده والآن وهل كان التغير ايجابياً ام سلبياً ...
    فراق لي ان اعبر عن الفرق بنفس طور القصيده الاصليه ...
    وكان هذا خيار صعب امام قصيده مشهوره وشاعر كبير ...
    ولكن جازفت بحرفي ولعلي اوفق ...
    فكانت قصيدتي بعنوان :
    ( حوار مع حسنه ... بعد ثمان سنين )

    يحسنه المنج اشرف ماكو وشكيله
    بحكومتنه البخت مايل فرد ميله..

    ابشرج بالعلن صار النهب والبوگ
    وعل الهدمه سهل هسه الجلد مشگوگ
    واذا بيتي انهدم هسه الوطن محروگ
    وحكومه بلا وطن .... صارت التشكيله

    ابشرج صفو ... ماكو كل تنازع دوم
    تصافو عل الذبيحه واخذو المقسوم
    ونسينه الكهرباء وحتى الاكل والنوم
    ياحسنه الحكومه .... لبست الشيله

    وع التأجيل هينه ... ننتظر وتهون
    هسه فلوس ماكو والعذر مضمون
    ردو ع البقه .. ومسحو تره الماعون
    وگالو للمواطن ..... تكدر تشيله

    فيل ابرهه العدنه ماكو مثله افيال
    جذب عند الحكومة يكفرك بكل حال
    بس تجارهم صارو رجال اعمال
    بهايه اشهد يحسنه صار تعديله

    ظل شعبي يحمل عجبته الشغله
    طبل عند الحكومة وصارت ادكله
    إغٓسِلَوْ مخهم يحسنه وادمنو طبله
    ياحسنه الحكومه .... ابليس وبحيله

    عكس دينانه تفتر دوم بالمگلوب
    بخت عده الحكومه والشعب منكوب
    داعش عدنه طبت شفتي هاي انوب
    يا حسنه البخت مايل فرد ميله

    بقلمي ... أسد ....@
  2. بواسطة Ibn Babil

    وربي روعة
    سلمت الانامل شاعرنا الكبير
    استمتعت بقرائتها
  3. بواسطة Ibn Babil

    وطن بالكون مثلة ماكوا يا هالناس
    شامخ بالمجد مرفوع منة الراس
    بس هاي الحكومة كاصدتلة بفاس
    تكطع ناوية ومن منبعة تشيلة

    لي
  4. بواسطة ضياء الصافي

    عاشت تلك الانامل التي خطت تلك الرائعة
    تلك رائعة من روائعك الجميلة
    تحيتي
  5. بواسطة اسد الهاشمي

    مرورك الاروع ابو شهاب نورتنا ...
  6. بواسطة اسد الهاشمي

    عمي طلعت شاعر الظاهر تخاف من العين وماتنشر هههه ...
    ممنون منك للمشاركه..
  7. بواسطة اسد الهاشمي

    انت العايش سيدنا ... مرورك كان الاروع ...
    شرفني تواجد حرفك العطر ... دمت ودامت هذه الاطلاله المشرقه ...
    تحياتي ....
  8. بواسطة Ibn Babil

    أخاف من العين هههه
    أكتب قصائد حسينية فقط ... بس هاي مداخلة بسيطة
  9. بواسطة ام بنين

    احسنت هذا هو الواقع المرير
  10. بواسطة اسد الهاشمي

    احسن الله اليك ... شرفني تواجدك العطر سيدتي ..،
    دمت ودامت اطلالتك المشرقه ....
    تحياتي مع خالص الود والاحترام ...

    بس اشم ريحة دهينه بايته ههههه
  11. بواسطة ام بنين

    ههههههه اي بقت صينية محد اكلها من وراك :lmao:
  12. بواسطة اسد الهاشمي

    هههه مو زين اكلو صينيه وجاملوچ عمي والله تذكرني بدجاجه مسرحية المتزوجون مال سمير غانم هههه
  13. بواسطة شـ,ـهـ,ـد

    رووعه سيد اسد
  14. بواسطة ضحى المؤمن

    بلا مجاملة وجدتُ هنا شاعراً
    يقتبس من الشمس نوراً
    ومن الأرض دفئاً
    بوركت سيدي ودمت بكل الخير
  15. بواسطة يوسف الموسوي

    احسنت اخي الكريم أبدعت
  16. بواسطة اسد الهاشمي

    مرورك الاروع ... شكرا لك
  17. بواسطة اسد الهاشمي

    ومانور الشمس الا محطة من محطات كلماتك سيدتي ...
    فان لحرفك المتألق حضور يخطف الابصار ببهاءه ...
    شكرا لك .. لهذه الاطلاله المشرقه .... دمت ودام عطر تواجدك الزكي ...
    تحياتي واجلالي مع خالص الود والاحترام ...
    سيدتي ...
  18. بواسطة اسد الهاشمي

    احسن الله اليك ياصدقي ... شكرا للمرور العطر ...
    تحياتي ... مع خالص الود والاحترام