منتديات نبع الفرات

تمت ارشفة منتديات نبع الفرات

المشاركات من الموضوع جزء من حياتي .. في ابياتي

  1. بواسطة المراسل

    [صورة]



    بديت اكتب شعر من قبل عشر سنين
    من جان الكلب اخضر ويدك بعده
    جنت احتار من وين المواضيع
    وياشاعر اشوف الفكرة من عنده
    بداياتي طفولية وبريئة هواي
    عن اسلامنا وعن الائـــــّـمة
    وعن حبنا لوطّنا وعن الاعداء
    اشخبط وتطلع شكد حلوة كلمة
    لا كسرة احط لا اعرف التنوين
    لا فتحة تشوف وماكو ضمة
    وبراءة بكل براءة صارت اشعار
    وكلمة (شاعرة) وصفوني بيها
    بس مرت سنين وماحسبت حساب
    اكو اشعار ما افهم معانـــــيها
    اكو حب وغزل واحزان وعتاب
    اكو دنيا واذية واكو تالــــــيها
    ومن جربت احبن اعرفت هالنوع
    جمع كل القصايد حُبّة وياي
    اجة وياه العتب والحزن وهموم
    بس هو بعيد وبعده ما جاي
    عبالي بس غزل هالحب وحبيت
    اثاري العتب اكثر من غزل بهواي

    احس راحت براءة كل قصيدة
    واجه الحب كتل كلبي بوريده
    ومد ايده وسحب ايامي بيده
    وخلاني العمر مرتين اعيده

    مرّة من جنت طفلة على الاوزان
    ومرّة من صرت بالحب قصيدة

    بقلمي


    [صورة]