منتديات نبع الفرات

تمت ارشفة منتديات نبع الفرات

المشاركات من الموضوع رداً على وزير الكهرباء العراقي قاسم الفهداوي بخصوص أطفاء الكَيزرات

  1. بواسطة محبوب القلوب

    4157



    راح أشيل الكيزر وماريده..خاطر أمبير الجماعه انزيده


    كوم شيل وياي كيزركم تعال

    خل نسويهم مَثل لأهل الدلال

    انريد كون الصيف يتحول جمال

    وهذا حجي الفايخ وماعيده ...راح أشيل الكيزر وما ريده

    ::::: ~~ ::::: ~~ :::::

    راح اتحمل برد واحمل صليل

    وما احط كيزر,ترى لا,مو بخيل

    هذا فد عربولنه الرد الجميل

    واذا رادوا نسكن بنص بيده..راح اشيل الكيزر وماريده

    ::::: ~~ ::::: ~~ :::::

    ارد اكلك المن تزيد السبح

    والمن الماي اليبخر بالصبح

    هيه لطّه على الوجه كافي نفخ

    كافي موحمل الوزير انزيده..راح اشيل الكيزر وماريده

    ::::: ~~ ::::: ~~ :::::

    انتن بنياتنه بلايه بطر

    انريد كون اليوم يتساوه المطر

    ومانريد النوم لنصاص الظهر

    نريد جوله منصّبه واجديده..راح اشيل الكيزر وماريده

    ::::: ~~ ::::: ~~ :::::

    انا ما اعتب عليك انته بلا

    كبلك الوادم تصدّر كهرباء!!

    امداكم ياحثالة عملاء

    والله ماتسوولكم تغريده..حتى كيزركم بعد ماريده

    ::::: ~~ ::::: ~~ :::::


    بقلم

    أخي و حبيبي

    الصديق المقرب الى نفوسنا

    السيد

    ضياء الصافي

    " ضياء الموالي "

    و صاحب الفكرة

    و مصمم الكَيزر

    خادمكم

    محبوب القلوب
  2. بواسطة ضياء الصافي

    شكراً لك اخي محبوب القلب
    هذا فضلٌ منك للتصميم والنشر
    حبيبي الغالي

    سيد ضياء الصافي
  3. بواسطة محبوب القلوب

    العفو مولاي و شكراً لك لموافقتك على العمل الجماعي معي

    دمت بود سيد ضياء *ابن الجنوب*

    على القصيدة الرائعة

    تحياتي و حبي و أعتزازي بك
  4. بواسطة اسد الهاشمي

    سلمت الانامل سيدنا ... وشكر خاص لتصميم الاخ محبوب ...
    ودمت مبدعاً سيدنا ... تقبل المرور المتواضع ...