منتديات نبع الفرات

تمت ارشفة منتديات نبع الفرات

المشاركات من الموضوع مدونة الحسچه العراقيه .... أسد & سيد ضياء الصافي

  1. بواسطة اسد الهاشمي

    بسم الله الرحمن الرحيم ...


    افتتح هذه المدونه لتكون ميدان تواصل بين اقلام اعضاء المنتدى وباشرافي واشراف ابن الجنوب ( سيد ضياء الصافي ) ...

    لتكون عباره عن مدونه للحسچه العراقيه ...


    ولا تتقيد بنوع محدد من الشعر الشعبي ...

    فكل من يجيد نضم الشعر الشعبي الباب مفتوح امامه للمشاركه ...

    في :
    الدارمي ...

    الابو ذيه ...

    القصيده الشعبيه ...

    الملمع ....

    واي ضرب اخر من ضروب الشعر. ...


    هذا وسلامي لكل من مر ... ومن سيمر ...



    تحياتي مع خالص الود ...


    ملاحظه / الردود تكون باقلام الاعضاء حصراً ...
  2. بواسطة اسد الهاشمي

    احب ان افتتح الردود بهذه المساجله بين قصيده قرئتها فاعجبتني ولا اعرف كاتبها ....
    اااه ياضيم الليالي شكد جبير
    غربة الاحباب ومفارك الاهل
    شكد تعيس الحظ هذا اللي يكون
    عايش بنص اهله وبكلبه زعل
    لا اذن لتسمعه واطيب الجروح
    ورد عمره يضيع ابد ما ينشتل
    وخضرت احزان عندي بكل مكان
    ازرع اشجار وزهر واحصد دغل
    ربي افرجها بعد مابيه حيل
    عقلي مني باد واحساسي شلل
    بيه وجت نار تحركلي الضلوع
    حسره تملكني واحس راح انكتل
    ارد اثبت رجلي خاطر مااطيح
    داس بيه الحظ وجنت انه الجبل
    وهسه روحي مايطبها الكلام
    رايده اليهتم بل كول وفعل.........
  3. بواسطة اسد الهاشمي

    فكان ردي :

    انه ضيمي بكثر امواج البحار
    شنهي ضيمك حتى تكتب بي شعر
    غربتك سهله وعلى الاغلب تهون
    سامع انته بغربة العاش إبگبر
    عايش بنص ناسك وتندب حظوظ
    انه شماتي اوصلو فوگ الگمر
    تريد واحد يسمع وتشكي الي بيك
    عمي انسه ...جروحي صارلهن عمر
    وخضرت احزان عندك كلفه هاي
    حزني حتى الحزن من شافه انقهر
    وعل الدغل هينه... صدك من اگول
    انه ازرع ورد بس احصد جمر
    وربك يفرجهه كل شده وتهون
    هي لو ما هاي شيخلصه العمر
    حيل ماظل بيك اسمع مني هاي
    انه حيلي وياي چن صيف ومطر
    بيك وجت نار وبوسط الضلوع
    انه من ناري احس ظلعي انصهر
    زين رايد تثبت وحظك يخون
    انه حرت برجلي حزولي النحر
    ماكو انسان ال يلزمك من تطيح
    ولا تظن كلمه تجبر ال ينكسر
    وهسه راح اختم واگلك هل الكلام
    ضمد جروحك بديك انسه البشر

    بقلمي / اسد ....@
  4. بواسطة ضياء الصافي

    مدونه جميلة وهنا سنضع كل ماهو جميل
    شكراً لك شعرنا الجليل
  5. بواسطة ضياء الصافي

    كلبي فز غركان هَم ..
    حيل مهتم حيييييل كلش حيل مهتم
    أسم الله كلبي شبيك تركض بالحلم بس كون حلمك يجري دم
    لان يبطل انا سامع بالحلم لوشفت دم
    وسفه بسك لاتهم وامسح بساتين الالم
    اي بساتين انا شايف ورد بس ورد الندم
    ها يكلبي بروح ابوك لاتسولفلي حلم
    مو حلم شفت الحقيقة .. نار شبت بالجسم
    ايييي يكلبي
    اركد وكافي ونينك اسكت يطبك الم
    ها ابشرك لانشد عنك كريم ولا شهم

    صاح كلبي بصوت المسودن هلي
    مره يضحك مره يبجي مره يلعب ذيج لعبتنه القديمة
    (حجنجلي بجنجلي صعدت فوق الجبلي)
    شصعدك من كبر طمك هاي تاليت القمم
    هااااااااااي تاليت القمم



    هنا سيد ضياء
  6. بواسطة ضياء الصافي

    غفت ها ما غفت عيني ... من الهام
    صحت يوم الشفت ركو .... من الهم
    عجيبه من طحت نيشن .... من الهام
    لحدّ الجدم حط اسهام بيه
  7. بواسطة ضياء الصافي

    اوكف وحك عيناك واحسبلي الفين.
    .انا وبعد كل هاي ارخصلك العين...حلالي
  8. بواسطة ضحى المؤمن

    جميل جداا أن يكون لدى نبع الفرات
    شعراء بهذا الكم الرائع من الحروف
    فعلا نحن فخورين بكما والله
    تحاياي لكما أيها المبدعان
  9. بواسطة ضياء الصافي

    هو من نحن حتى تُقاس أقلامنا بقلمكِ الزاهر
    شاركينا ليكتمل الإبداع
    يا أيتها الضحى
  10. بواسطة ضياء الصافي

    هو من نحن حتى تُقاس أقلامنا بقلمكِ الزاهر
    شاركينا ليكتمل الإبداع
    يا أيتها الضحى
  11. بواسطة اسد الهاشمي

    تزخ إسهامه دهري من ولاني
    لا هو المستوي همي ولا ني
    لاني مضمد جروحي ولاني
    الميت ومرتاح من جرح الي بيه

    أسد ....
  12. بواسطة اسد الهاشمي

    ارخصلك آنه العين والگلب والروح ...
    شنهي العگب عيناك يستاهل النوح ...

    أسد ...
  13. بواسطة محمد القطبي

    انتو ليش اتحبون الشعر:o
  14. بواسطة ضياء الصافي

    كيف أكتُب ... يمكن ابݘي
    كيف أنطُق... يمكن ألساني انعجد
    راح أحشمك وانته للشده سند
    راح أكلك انته شمعة انته دمعه انته رقمك صعب للگاعد يعد
    انته بيرغ يبقى شامخ يبقى مرفوع بعمَد
    بيك أحزمك بيك أحشمك بيك احط للكلفه سد
    انته ورده البيد عاشگ من يشمهَ الروح تخمد
    انته عالعدوان غاره وناب أسد
    ها يداعش صار بعيونݘ رمد
    فركي عينݘ شوفي ياهو العاف واطيهَ وصعد
    أنا جندي من العراق الماغفه على أخته العفيفه وماركد
    هينه كلش لاتصدك انا اعوفك مستبد
    راح اجيك بغيره تكتل جدحة عيوني برد
    غيرة العباس عندي ومستعد
    وعندي امي الهلهلتلي شتضن ياداعش ارد
    صاحت بيوم التحاقي
    (عفيه ابني الماهبط راسي)
    وانت تدري بهوسة امي الكاع كلها الهَ تشد
    انا جندي وصاح جدي , جدي اريدك للعراق انته السند



    وعذراً لكم ياحماة العراق


    هنا سيد ضياء
  15. بواسطة اسد الهاشمي

    لا تفرح يشامت .. راسي مرفوع
    اظل صاحب بخت وامتلك حضوه

    انه ثابت جدم .. متهزني كلفات
    انه ثگل الجبل .. مو ثگل حصوه

    انه بيرغ منايا ... بحضرة عداي
    واروي الموت ... ما احتاج نخوه

    انه خانگ دمعتي .. وذابح الخوف
    صحت للموت .. ما محتاج عطوه

    كل ظنك اطيح ... والزم الگاع
    فقير انت وصدك .. مابيك تقوه

    ما اطيحن ابد .. واثبتلك شلون
    هم شايف سمه .. تحتاج تچوه


    بقلمي / أسد ....
  16. بواسطة Rain

    مدونه رائعه وجميله جدا
    استمر بالكتابه فنحن متابعون لجميل ما تنشر
    تحياتي