منتديات نبع الفرات

تمت ارشفة منتديات نبع الفرات

المشاركات من الموضوع سورة أمي .. لـ فاضل كريم

  1. بواسطة المراسل

    غنه جرحي وجاب طاري امي وذكرهه
    ودمعت عيني اعلى طوره
    ومن ردت عن امي اكتب
    الشعر ضم روحه مني
    واني واحساسي اختلفنه
    لاخذه برايي وعذرني

    ولامشيت اني اعله شوره
    يا شعر يصعب عليه
    وكل شعر يصعب عليه
    اشما يسد بيبان بيته
    خلكي يتشلبه اعله سوره
    وعين كل فكره تجيني
    الا ابجيهه قصيده
    وشرط من كل دمعه صوره
    كون قدرة الله عندي
    الا انزل بأمي سوره
    كون جف رجليهه حايط
    حته اعلك اشفايفي بحايطهه صوره
    وااخ لو شفتهه مرقد
    الا اجيب الضحكه حافي
    تبوس شباجه وتزوره
    وااخ لو شيلتهه تقبل
    شيبه اخذ حته اباهي الليل بيهه
    تجفي كل نجمه ضواهه
    والكمر يتبده نوره
    هاي امي شلون ما اكتب عليهه
    بعدد ما هزتني لازم
    كون شفتي تبوس اديهه
    كمت اخاف يضيج خلكي
    عينهه من تصد عليه وخلكي ضايج
    مو حدر رجليهه جنه
    تصير كل نار الله بيهه