منتديات نبع الفرات

تمت ارشفة منتديات نبع الفرات

المشاركات من الموضوع ياالرايح...

  1. بواسطة المرهفة

    يالرايح وما كلَّفت
    طيفك يمُر بيَّه بحلم
    يمسح دموعي المالحه
    ..
    يالتارك عيوني بدمع
    غرگانه وبواهس شمع
    روحي اعله مودك سايحه
    ..
    يالعايف بگلبي جرح
    ما مرني بعدك اي صبح
    وافكاري جايه ورايحه
    ..
    ها بطلوا ؟ ها ما اجوا ؟
    اخذوك ؟ بعدك ؟ ها !! رحت؟
    بس فرگه اشوفن واضحة
    ومن اسمعت عنَّك حچوا
    راح العقل وانحَب گُمت
    فز بيه صوت النايحه
    ..
    گلبي انفطر لمن شفت
    ايده الصبغها بحنّتَك
    ومسودن امشي البارحه
    ..
    واسمع هلاهل زفتك
    فرحان وبصوتك عرس
    وبصوتي چادر فاتحه
    ..
    مبروك طلعتلك لچن
    گمت اختنگ لمن گلت
    ذرية كون وصالحه
  2. بواسطة فهد الزيادي

    [صورة]