منتديات نبع الفرات

تمت ارشفة منتديات نبع الفرات

المشاركات من الموضوع ما اعوفنهه الامانه ... وانتم اتعرفوني انه

  1. بواسطة مترفة الجمال

    لو حروب اكليب ترجع

    لو يجيني ابربد صعصع

    لو الحجي اسوادي يطلع

    لو العتوي ايصير فاره

    ما اعوفنه الامانه

    _

    خالي كاطع شنهي هيه

    حالهم حظي عليه
    ارد اظل اشلون بيه
    امنين هالحجي لفانه
    ما اعوفنهه الامانه
    _
    لو ابوي ايموت يمي
    وتنشنق جدامي امي
    ويندفن خالي وعمي
    وجدي ايهـــدمون داره
    ما اعوفنه الامانه
    __
    بيا بلد تلكه احله مني
    حجي بس سنتين خني
    بروح ابوك احترم سني
    والله بالعشرين انه
    ما اعوفنهه الامانه
    _

    عندي بس مليار واحد
    ما اجذب الله شاهد
    فدوه خلوني اجاهد
    من اجل اهل الحجاره
    شلون اعوفنه الامانه
    _
    آنه والعباس أصلي
    وما أحب سعدي الحلي
    تريد أطلع وين أولي ؟
    واللحم صعدت أسعاره
    شلون أعوفنه الامانه
    _
    انه عن بغداد احامي
    وحته بالعطله دوامي
    وداعتك ما ظل حمامي
    من اجي ايصيحون اجانه
    والله ما اعوف الامانه
    _
    يا احزاب ادخيل جدكم
    لا رحم لا رافه عدكم
    امحزمين احزام جنكم
    للحرب , بويه شجانه
    ما اعوفنه الامانه
    _
    لايــِك الكرسي عليه
    ولازمه باثنين إديه
    حتى لو كرصتني حيّه
    اوسمهه يوصل للمراره
    والله ما اعوف الامانه
    _
    لو يموت الشعب يمي
    وينسفك من صدك دمي
    ما اوخر هذا عمي
    شافلي بالاستخاره
    صعبه اتركه الامانه
    والله ما اعوف الامانه
    _
    رغم كل القيل باقي
    وادري بالحجي أيشاقي
    الكتب عني اوظل يقاقي
    اوروح ابوي اكطع اذانه
    اوكولو عده السان كانه
    والله ما اعوف الامانه
    _
    ولك كاطع اخذ خيره
    وشوف عمك شو مصيره
    سيدي طلعتلي جيره
    يعني ريح اسود لفانه
    ايشيلكم عن الامانه
    _
    الله لا يطيك يملح

    واليشوفك عيب يربح

    خيرتك بالكلب تجرح

    جابت الشر واجانه

    وراحت امن ايدي الامانه
  2. بواسطة فهد الزيادي

    حلووو
  3. بواسطة امل

    حلو
    شكرا ع المجهود
  4. بواسطة محمد القطبي

    براااافو

    يا وردة:rose:
  5. بواسطة Abbas Al-iraqi

    [صورة]
  6. بواسطة مترفة الجمال

    منووووورين
  7. بواسطة محمد القطبي

    ما شاء الله تبارك الرحمان:t4409:
  8. بواسطة مترفة الجمال

    ههههههههه منورين