منتديات نبع الفرات

تمت ارشفة منتديات نبع الفرات

المشاركات من الموضوع الحصول على لجوء وجنسية .. عراقية

  1. بواسطة Alforati

    اخوان للجادين فقط
    اني الحمد لله الله يسر اموري وبديت اشتغل بالتهريب ( قجقجي ) وحبيت افيدكم لا اكثر ولا اقل والحمد لله طرق مضمونه ومجربه وجديده وتم وصول اكثر من وجبه
    والطريقه كالاتي وللجادين فقط ..
    بداية الامر من اوروبا تاخذ تذكرة طيران سياحيه الى اسبانيه مدريد تنزل بمطار مدريد تاخذ مترو لسنتر المدينه بعدها تركب باص الى مدينة كراندا مناك استلمك اني اعبرك البحر وعندي نوعين
    زورق جوب 1200 دولار للشخص ويخت سياحي 2400 دولار للشخص بعد العبور تسلم نفسك بالمغرب يخلوك بالكم وينطوك خارطة طرد ..
    تاخذ تكسي للحدود المغربيه الجزائريه توصلك لقطار بالجزائر القطار تكطع تكت يوصلك لميناء سيناء بمصر بعدها تكمل مشي (طبعا هناك اعبرك بدون ما تبصم مضمون ) تاخذك تكسي تذبك بالحدود الفلسطينيه الاردنيه مناك تركب باص يعبرك حدود طربيل وتكمل من طريبيل للرطبه بالبايسكل وبعدين تركب جمسي لبغداد وتسلم نفسك بالعلاوي ..
    يحققون وياك الامن الوطني ويخلوك بكمب بالزوراء وينطوك راتب 500 وراها بخصصولك سكن واقامه ويزيد راتبك
    وره سنه تاخذ الاقامه الدائميه ويحقلك تسوي لم شمل ومدة التقديم عالجنسيه تتراوح بين 5 الى 7 سنوات
    انصحكم اتأجرون شقه بالجبايش .. وحاولوا تبتعدون عن مراكز المدينه مثل زيونه والمنصور لان غالية
    واني خادم الكم منا ليوم القيامه
    اندعولي بالصحه والعافيه والرزق الحلال


    منقول

    4395
  2. بواسطة Rain

    القصه ممكن تكون صحيحه اذا بديتها بالعكس
    هوايه ناس ديطلعون تهريب واكو ناس غركوا واصلا محد يدري بيهم
    وعلى شنو يعني الله هو الحافظ هنا وهناك
    الله يهدي الناس ويحفظ العراق ويزدهر ان شاء الله الوطن بجهود الشرفاء
  3. بواسطة Alforati

    المغزى انه لماذا لايصبح العراق هو بلد الراحه بدلا من ان يكون بلد النازحين ..

    اشكرك للمداخله ونسال الله ان يفك ضيقنا
  4. بواسطة Abbas Al-iraqi

    [صورة]
  5. بواسطة Alforati

    شكرا لمرورك اخ عباس
  6. بواسطة ام بنين

    اي شكو بيها ...ما دام بيها راتب وجنسية انا اسجل يمك بس اذا غركت معلية اهلي ياخذون منك الزورق فصل :4:
  7. بواسطة Alforati

    لا خلي العراق هاديء ظلي بــنواكشوط ولاتجين يمنا وانا ادزلج راتب ليمج .. :4:
  8. بواسطة Rain

    لماذا قالها الجميع ولا جواب
    ولكن لاننا بلد الثروات انقلب كل شئ علينا
    الكل يطمعون بالعراق
  9. بواسطة Alforati

    الكل طماعون مثل ماتفضلتي
    واذا بقي العراق صامدا فلا ينفع رغباتهم هذا الامر لذلك يحاولون تجزئته واضعافه
  10. بواسطة Rain

    لم يبقى شئ في العراق للبيع
    فبدأ بعض العراقيين ببيع ضمائرهم
    وهذا اخطر انواع البيع قد يؤدي الى كارثه لا احد يستطيع ان يعرف عواقبها
  11. بواسطة Alforati

    بالفعل اخت رين
  12. بواسطة محبوب القلوب

    شكراً لك على الطرح