منتديات نبع الفرات

تمت ارشفة منتديات نبع الفرات

المشاركات من الموضوع مبروك لمن هاجرت(شعر شعبي)

  1. بواسطة محمد القطبي

    مبروك لـمَّـن هاجرت..

    بس ما بريتك ذمّة !

    فوگ البلم من هاجرت .. شفتك صعدت إبهمّـة !

    خفت إعلى روحك وإشردت..

    بس هذا أخوك إلـ بالحرب من طاح رادك يمَّـه

    من لاحه قنّاص ووگع چا جبته لأمَّـه تشمَّـه

    من طشّرتَّـه القاذفة..

    الـ ما لاحتك إنتَ وهلَك ؛رِد فضله لأهله و لِـمِّـه

    مو بالشّوارب ؛ #موقفك باچر يحسبك زِلمـه !

    ضحكوا عليك وهاجرت..

    جوعان؟أ

    گلك چذّبت

    لا..

    عدنا خير ونعمة

    عندك وطن يسوى الدّول بس إحنا ما نفتهمه.

    و.

    باچر إذا داعش دخل ياهو اليحامي الـ يِـمِّـه ؟!

    وباچر إذا "حسينك" وگع لتردلي تلطم يَـمِّـه..

    عفية إعلى گلبك طاوعك ما فكّرت بـ "حسينك"

    وعفية إعلى گلبك طاوعك وإتحرّكت رجلينك

    وعفية إعلى عقلك فضّلت ملهى بمقابل دينك !...

    إنتَ إشردت .. وآنـا إسكتت ؛ ظل الوطن لمطيرة

    آنا إويا داعش مبتلش وإنتَ بهذيج السِّيرة

    لتگلّي #سنّي وهاجرت ؛ جا ما حمِيت الدِّيرة ؟!

    ولو كتلي #شيعي وهاجرت ؛ لا هايه بعد إچبيرة !

    چا ما وفيت لمرجعك بالفتوى يا أبو الغِيرة !!!!؟؟؟

    م
    ن
    ق
    و
    ل
  2. بواسطة ام بنين

    تسلم الايادي
  3. بواسطة محمد القطبي

    :t4409: