منتديات نبع الفرات

تمت ارشفة منتديات نبع الفرات

المشاركات من الموضوع كرهت الروح(لاتخافون مو اغنية)شعر شعبي!!!؟؟؟

  1. بواسطة محمد القطبي

    توازت والله يستر من الموازه!
    كرهت الروح
    جن روحي طريق اتكتلت بي ناس
    وجنازه وره جنازه
    ولاعندي غرض يسوى
    گضن سلعه ورئ سلعه
    بيعة ناس معتازه
    تعال وشوف بالوگفه اشتبيع الناس
    موبس الغراض اجساد ,,معروضه اعله الميازه
    رادو ياجسر من تنگلب على المياي
    حايط والجروح ابجسمك درازه
    رادو ياجسر ماتعبر العشاگ
    ولاگرصه شمس بخدود خبازه
    أمس معزوم يم شاعر ,,وجانت كهرباء ماكو
    لامي لانفظ لاغاز
    وگع بطل الصبر واطشر إگزازه
    أمس معزوم يم شاعر بتت وياه
    ريگني جرح بايت
    وغداني جرح تازه
    وتگلي ليش تتوازه ??
    وصتنه الشمس للضلمه مانرجع
    لان ندري الشمس عدنه
    على گبه شهيد أتغيب
    وعلى خذوه مقاتل كل فجر تطلع
    يبصم على الخيانه الاصبع المعيوب
    وراس بدون غيره گصته ماتنفع
    تعلمنه من اهلنه نشد على الرگبه خشب وحبال
    حتى من تجره النايبات بيوم ماترگع
    هذا البيت بي ورده وظفيره وحنه ومرايات
    وهلهوله وقصيده تشدك لها بأول المطلع
    دلع صدر الزمان واحنه صرنه أزرار
    وزرار الشمس كلما تجي يلمع !