منتديات نبع الفرات

تمت ارشفة منتديات نبع الفرات

المشاركات من الموضوع سمعنة بالفرح - لمبدعها السيد عبد الخالق المحنة

  1. بواسطة Adonai

    [فيديو]

    سمعنة بالفرح وندور عليه
    صار اسنين مامر عالشفايف
    المضيع ملح من يشتري يضوك
    المضيع حجي يدور سوالف
    المضيع بخت خل يقفل الباب
    ويعلك حسرتة اباب المضايف
    اذا مات الحجي وتخرب الذوق
    نكضيها شبدينا اومايخالف
    مايكسر كلب موت الفراشات
    يموت المستحة بدولة هوارف
    وفرق بين الكضاها ابين الكبور
    اوبين العمرة يخلص بالمصايف
    واحد مايحصل خبزة شعير
    وذاك بمالة متخومة المصارف
    عبيد الدنيا تتبختر بالقصور
    وملوك الدنيا تسكن بالصرايف
    لكن من نرد لواقع الحال
    الذهب يبقى ذهب رغم المخالف
    نشوف الكرم عدمن جان والجود
    اومنهو التشهد ابجودة الطوايف
    الحسن لوهسه يرجع يحكم الناس
    من يكدر يمس للامة طارف
    وحكك مايضل بالدنيا جوعان
    ولا نامت يتامة اعلة الرصايف
    مو كلمن يجوع يمد الجفوف
    اكو واحد يجوع وجفة مكطوع
    اكو ترضة برزقها وجايعة تنام
    واكو مثل الذيابة لمن تجوع
    اشو محد سمع ونات الايتام
    مو كالوا ونين الليل مسموع
    ترة مو بالضرورة تعيش سلطان
    المهم تبقى شريف براس مرفوع
    اذا اول صرت احذر الطعنات
    واذا اخر صرت لكول فازوع
    عرش الله تهزة ادموع الايتام
    لان طبع الغيور اجرحة الدموع
    بد الذات يكره طيب الذات
    حرب بين الظلام وبين الشموع
    اكو واحد خبير بصنع الامجاد
    واكو واحد خبير بكسر الضلوع
    الزمن لو عاندك لا تشكي للناس
    ولا تكسر الخاطر لمن اتلوع
    لا ترجل فزع من اهل القصور
    الغيرة ماتفارك بيت الجذوع
    الفوارق بالدمع تعرفها الخدود

    لفارسها الشاعر سيد عبد الخالق المحنة
  2. بواسطة مرتجى العامري

    عاشت ايدك
  3. بواسطة Adonai

    نورت مرتجى