منتديات نبع الفرات

تمت ارشفة منتديات نبع الفرات

المشاركات من الموضوع هاتف بعد منتصف الليل , محمد رحيمة الطائي و عطارد

  1. بواسطة Adonai

    هو :
    تعبان من الوكت وتعبان من روحي
    والصخر يبجي ويون لويحمل جروحي
    تعبان كلبي خلص
    وماظل بعد العمر
    بس ونتي ونوحي
    عوفيني دربي صعب
    خايف يجيس تعب عوفيني وروحي

    هي:
    شتريد اعوفك تظن وكدر على غيابك...
    مو روحي شجرة صبر ونزرعت بابك...
    انظر كواني القهر
    صبرت كوة الكلب يتحمل فراكك....
    ميت الف موتة متت
    لاتعتب على الكلب موتني اعتابك.....

    هو :
    خليني وحدي احترك
    وخلي ناري بية تشب
    وبظيمي اريد ابتلي...
    ولوحدي امشي الدرب ..
    مالج ذنب بالجرة يم وكتي كل الذنب...
    هو الاخذ فرحتي وبنارة جوة الكلب ..
    نادم آنـــا على الوكت
    ونادم على الي صار...
    شوازاني واني بنفط
    واتكربت عالنار...
    محتار انا بدنيتي وياج هم محتار
    وشجابرج على القهر
    ويانا الوكت اندار
    عوفيني اريح الج
    وخلي المضى تذكار..

    هي :
    شلون اعوفك تظن وياهو الي ينسيني
    ولا اني ارضى البعد ولاروحي تخليني
    جيب شماعندك صبر بلكت يسليني
    وهاك اخذ كل الدمع هو شبقى بعيني
    وسفة علذاك التعب ماترجع سنيني
    حسبالي توفي صدك وبالحب توافيني
    شمدريني بعد الوفى بهجرك تجازيني

    منقول
  2. بواسطة مرتجى العامري

    سلمت الانامل على النقل المميز
  3. بواسطة Adonai

    نورت مرتجى