منتديات نبع الفرات

تمت ارشفة منتديات نبع الفرات

المشاركات من الموضوع صدكتهم وجذبت كلبي ونظرتي , الشاعر فايق الكاطع

  1. بواسطة Adonai

    الشاعر فايق الكاطع حسن

    صدكتهم
    وجذبت كلبي ونظرتي
    ويافشلتي
    الخفته صار وماوفوا
    كلي كلبي
    وسكتت صوته بحسرتي
    وارجعت مخنوك عبره
    جنها بايكها دمعتي
    وجني ضيعت الاماني
    بحلم لاكابوس
    مرعب
    حيل مرعب
    وين ...واشلون. السبب
    هي رهمت
    بعد رهمت
    ضاعت وتاهت حسبتي
    بسرعه صارت ماتوالف
    ابساع غيبه
    اي نعم غيبه مريبه
    اتنام بحلوك السوالف
    وابرخص مطبوعه قصتي
    اي يكلبي
    انولد خوفي
    اي يعيني هواي شوفي
    قصة نشروها العواذل
    وذنبي وفيت بحروفي
    وشاهدي مني القراها
    ماشهد ثبت تهمتي
    ومن فشلتي
    كمت ادور اعذار
    حتى اذبح فشلتي
    كمت ادور اعيون
    بيها احبس نظرتي
    ومالكيت الا الملامه
    وليل يعزف للشماته
    التموا اشكال ابحفلتي
    اذكرت ذيج المساعي
    الناي من ناغه الافاعي
    ضاع تبرير الملامه
    وشلها داعي
    شلها داعي
    عاليصير اخلق نواعي
    وانه وابعشرة حيايه
    رافكت يامه بعشرتي
    وصدكتهم
    اسمي مايحله ابوكتهم
    جي صغت منه المحبه
    وهاي تاليها محبتي
    اشحصلت انه ابمحبتي
    اشحصلت انه ابمحبتي
  2. بواسطة مرتجى العامري

    عاشت ايدك يامبدع
  3. بواسطة Adonai

    نورت مرتجى