منتديات نبع الفرات

تمت ارشفة منتديات نبع الفرات

المشاركات من الموضوع روح... هاجر عوف ارضك شلك بارض المقابر شلك بموطن صبح مشتل خناجر 2015

  1. بواسطة Adonai

    روح... هاجر عوف ارضك شلك بارض المقابر شلك بموطن صبح مشتل خناجر 2015


    روح... هاجر
    عوف ارضك
    شلك بارض المقابر
    شلك بموطن صبح مشتل خناجر
    روح هاجر
    تلگه باوربا ألأمان.. وكلشي حاضر
    روح هاجر
    بس اكلك مو بعد سنتين ترجع
    فوگ دبابه وتكلي.. مضظهد.. لاجئ سياسي
    تگلي ثائر
    هيه مره.. وبينه صارت
    مره سووهه گبل ولد ال ق ن--ا-- د- ر ؟
    روح هاجر
    احنه هم ماشي نهاجر
    بس سفرنه مو بعيد.. هناك يم حلگ السواتر

    احنه ندفه من نلف اعله الصدر اربع شواجر
    روح هاجر
    جرحك انته الكهرباء
    ماي مالح
    خدمات
    شارع يسر النواظر..
    وانه جرحي هواي اكبر
    مايوصفنه المشاعر..
    انه جرحي بكبر يوم الاربعين
    وبيه حرارة يوم عاشر
    انه جرحي ماتضمده الغانيات
    انه جرحي ايطيب.. لوخادم زغير
    يصيح باذني استريح اهنا يزاير
    روح هاجر
  2. بواسطة مرتجى العامري

    الله عليك ابراهيم
    شكرا جزيلا على النقل