منتديات نبع الفرات

تمت ارشفة منتديات نبع الفرات

المشاركات من الموضوع بس الك حب انطيت

  1. بواسطة أبـ ْـو سمـ ْـرة

    انطيتك عشك بس الك حب انطيت
    اتراهن انه ومحد ابكدي انطاك

    اذاعينك بجت اكلب جروحي بساع
    وادورلك ضحك بييه واكلك هاك

    كلشي تلزمه بيدك جنت اضمه وياي
    كاغد عندي منك احفضه لذكراك

    واليوم اليمر وما اشوفك بي
    احضن الكاغد انه وما احس بفراك

    حته ويه الحلم لازم اشوفك طيف
    واذا اضيعك اغمض بالجفن الكاك

    كل هاي المحبه وماتحن شبيك؟!
    ولا مره اغلطت او قصرت وياك

    ما اكدر بعد حدي انختم لهناا
    ضل عايش حياتك بين هاذ وذاك

    زعلاااااان انه منك بعد مااحاجيك
    ماريدن احبك بطلت اهواك

    انساك انه احاول وانسه تعب الروح
    ولوادري جذب للموت ما انساك
  2. بواسطة ملاك الروح

    صح لسانك تسلم يا رائع
  3. بواسطة أبـ ْـو سمـ ْـرة

    شكرا ع المرور العطر نورتي الموضوع
  4. بواسطة بنوتة الكــوت

    شكراااا على الموضوع

    تحياتي
  5. بواسطة أبـ ْـو سمـ ْـرة

    نورتي الموضوع برمرورك العطر