منتديات نبع الفرات

تمت ارشفة منتديات نبع الفرات

المشاركات من الموضوع والله ما محتاج ردك ؟ لواثق الشاعر

  1. بواسطة المراسل

    والله مامحتاج ردك
    آنه مو شاعر اكلك
    ولا صرت فديوم خلك
    ولا شتيمه شتمت اهلك
    وما صفعت بيوم خدك
    والله مامحتاج ردك

    عندي زوار شكثر اقــــرا بصفحتي
    وآنه ما يوم الخطت عيني بنظرتي
    اعرف الصاحب يخايب من خزرتي
    مايفيد وياي سدك
    والله مامحتاج ردك

    غايتك بالاخر اتخلي شعرنــــه
    لوشفت مره صبح اول اسمنه
    طبعك الغيره يحاقد مو طبعنه
    انت ضدنه وما نضدك
    والله مـــا محتاج ردك

    مـا احتاج شهره احتاج خوان
    ولا اسمي اريده ايصير عنوان
    ابن الطيب آنـــــــه وابن ديوان
    انت منين جايب هذا حقدك
    والله مـــــــــــــــامحتاج ردك

    آخر الكلمات اسمع راح نحجي
    دفعت مردي بهـــــوى شرجي
    شكد خطيـــــــــــه شكد تبجي
    انت يالمعيوب كعدك
    والله مامحتاج ردك